Өмнөд Солонгосын Хөгжмийн зохиогчийн эрхийн холбоо (KOMCA)-ны төлөөлөгч G-Dragon, Ян Хён Сог болон хөгжмийн зохиолч “А”-гийн хооронд өрнөж буй зохиогчийн эрхийн маргаанд “хайлт, нэгжлэг болсон” гэх мэдээлэл үнэн биш болохыг мэдэгдлээ.
Dispatch агентлагийн мэдээлснээр хөгжмийн зохиолч “А” нь G-Dragon, Ян Хён Сог, мөн YG Plus компанийн ерөнхийлөгчийг зохиогчийн эрх зөрчсөн гэх үндэслэлээр шүүхэд өгсөн байна. “А”-гийн мэдэгдсэнээр, өөрийн зохиож, үглэсэн “G-Dragon (2001)” нэртэй дууг зөвшөөрөлгүйгээр дахин бичиж түгээсэн гэжээ. Тус бүтээл нь 2001 онд хип-хопын цуглуулга цомогт анх багтсан бөгөөд “А” нь түүний үг, аяны зохиогчоор бүртгэгдсэн байдаг. Харин 2010 онд G-Dragon уг дууны өөр хувилбарыг “I’m 13” нэртэйгээр амьд тоглолтын цомогт оруулсан байна.
Дуу өөр нэр, өөр хэлбэрээр дахин гарсан ч “А” зохиогчоор бүртгэлтэй хэвээр үлдсэн. KOMCA-гийн мэдээлснээр G-Dragon уг бүтээлийн зохиогчийн эрхийн бүртгэлд багтаагүй бөгөөд ямар ч төлбөр хүртээгүй аж. Тиймээс энэ маргаан нь зохиогчийн эрхийн зөрчил гэж үзэх үндэслэлгүй хэмээн тайлбарлажээ. Мөн төлөөлөгчийн хэлснээр, “зарим хэвлэлүүдийн дамжуулсан хайлт, нэгжлэг болсон” гэх мэдээлэл худал байна.
Дууны нэрийг сүүлд “G-Dragon (2021)” болгон өөрчилсөн талаар YG Entertainment тайлбар хийхдээ: “2001 онд Perry-тэй хамтарч гаргасан өөр нэгэн ‘G-Dragon’ нэртэй дуунаас ялгахын тулд ийм өөрчлөлт хийсэн” гэжээ.
Одоогоор Сөүл хотын Мапо дүүргийн цагдаа хөгжмийн зохиолч “А”-гийн гаргасан зохиогчийн эрхийн зөрчилтэй холбоотой гомдлыг шалгаж байна.
