Жүжигчин Hwang Jung-eum уран бүтээлийн завсарлага авснаас хойш орлого нь бүрэн зогсож, амьдралын зардлаа нөхөхийн тулд алт зарж, даатгалын гэрээгээ хүртэл цуцалсан тухайгаа ярьжээ.
Тэр аравдугаар сарын 21-нд YouTube сувагтаа нийтэлсэн асуулт, хариултын бичлэгтээ:
“Миний орлого 0 вон. 26 наснаасаа хойш анх удаа огт орлогогүй байна. Эхэндээ үнэхээр сандарч, айсан”
гэжээ.
Hwang Jung-eum өөрт байсан бүх алтаа, тэр дундаа хоёр хүүгийнхээ нэг насны баяраар бэлгэнд авсан алтан эдлэлүүдийг зарсан байна. Мөн зарим даатгалаа цуцалж, буцаан авсан мөнгөөрөө өдөр тутмын зардлаа нөхөж байгаа гэж тайлбарлажээ.
Тэр өмнө нь “High Kick Through the Roof”, “She Was Pretty”, “Kill Me, Heal Me” зэрэг бүтээлээрээ өндөр нэр хүнд олж, нэг үед Солонгосын хамгийн эрэлттэй жүжигчдийн нэг байсан юм.
Мөн бичлэгийн үеэр хуучин найз залуу, SG Wannabe хамтлагийн Kim Yong-jun-ийн талаар ярьжээ. Тэд 2006 оноос үерхэж, есөн жилийн дараа 2015 онд салсан.
Hwang Jung-eum:
“Түүнтэй салснаас хойш нэг ч удаа санамсаргүй таарч байгаагүй. Yong-jun-тай нэг удаа уулзмаар ч юм шиг”
гэжээ.
Тэр цааш нь:
“Yong-jun бол надад олон сайхан дурсамж үлдээсэн хүн. Гудамжинд таарвал баяртайгаар мэндэлнэ”
хэмээн хэлсэн байна.
Харин дахин гэрлэх тухайд тэр байр сууриа маш тодорхой илэрхийлжээ.
“Битгий гэрлэ. Би амьдралдаа дахиж гэрлэхийг хүсэхгүй”
гээд, хууль ёсны гэрлэлтийн харилцаанд дахин орох сонирхолгүй байгаагаа хэлсэн байна.
Hwang Jung-eum-ийн хувьд энэ удаагийн бичлэг нь санхүүгийн нөхцөл байдал, хуучин харилцаа болон гэрлэлтийн талаарх өнөөгийн бодлоо илэн далангүй хуваалцсан ярилцлага боллоо.
