37
Гавьяат жүжигчин, дуучин Т.Ариунаа өөрийн сонсогчдын сэтгэлд хоногшсон “Чамтай бас чамгүй” дуугаа шинэчлэн, залуу уран бүтээлч Morningstar (Б.Аззаяа)-тай хамтран дуулж дахин олон нийтэд хүргэлээ.
Шинэчлэгдсэн бүтээл клипийн хамт YouTube платформд нийтлэгдсэн даруйдаа долоо хоногийн дотор 1,5 сая үзэлт авч, Монголын дуу бичлэгийн салбарт шинэ рекордыг тогтоосон байна.
Тус дуу нь анх 2003 онд олны хүртээл болж байсан бөгөөд энэ удаад шинэчилсэн дуулал, дүрслэлийн шийдлээрээ сонсогчдын сэтгэлийг дахин байлдан дагуулжээ.
Мөн Т.Ариунаа энэ жил урлагийн тайзнаа хөл тавьсны 40 жилийн ойгоо тохиолдуулан, наймдугаар сарын 23-нд Төв цэнгэлдэх хүрээлэнд “Зүрх асна” нэртэй супер шоу тоглолтоо хийхээр бэлтгэж байна.
