13
HBO ирэх 2027 онд цацагдах шинэ «Харри Поттер» цувралд тоглох Рон Уизлийн ах, эгч нарыг дүрслэх жүжигчдийн зургийг олон нийтэд дэлгэлээ.
The Hollywood Reporter-ийн мэдээлснээр:
- Тристан Харланд – Фред Уизли
- Габриэль Харланд – Жорж Уизли
- Руари Спунер – Перси Уизли
- Грейси Кокрейн – Жинни Уизли
Тристан ба Габриэль Харланд нар өмнө нь «The Last Kingdom» цувралд тоглож байсан бол Грейси Кокрейн «Blitz»-ийн зураг авалтад оролцжээ.
Тэд өмнө нь зарлагдсан Аластер Стаут (Рон Уизли) болон Кэтрин Паркинсон (Молли Уизли)-той нэгдэж байна. Харин Роны аав Артур Уизлийг хэн бүтээх нь одоогоор нууц хэвээр байна.
Үндсэн гол дүрүүд хэдийн сонгогдсон: Доминик Маклафлин (Харри Поттер), Арабелла Стэнтон (Гермиона Грейнджер) болон Аластер Стаут (Рон Уизли). Цувралын зураг авалт Лондон хотод саяхан эхэлсэн бөгөөд нээлт 2027 онд болно.
