Хүүхэлдэйн киноноос тайзны амьд тоглолт руу
Netflix-ийн алдарт “KPop Demon Hunters” хүүхэлдэйн киноноос төрсөн зохиомол охидын хамтлаг Huntr/x нь анх удаа телевизээр амьд тоглолт хийж, үзэгчдийн сонирхлыг татлаа. Уг тоглолт нь 2025 оны аравдугаар сарын 7-нд “The Tonight Show Starring Jimmy Fallon” шоунд болсон бөгөөд Huntr/x-ийн дуу хоолой болсон уран бүтээлчид болох Ejae, Audrey Nuna, Rei Ami нар оролцсон байна.
“Golden” дууг амьд тоглолоо
Уг нэвтрүүлгийн үеэр тэд киноны гол дуу болох “Golden”-ыг шууд амьд дуулж, Жимми Фэллонтой богино хэмжээний ярилцлага хийжээ. Руми, Мира, Зои зэрэг дүрүүдийн арын дуу хоолойг Ejae, Nuna, Rei Ami нар дуулсан бол ярианы хэсгийг Арден Чо, Мэй Хонг, Жи-ёнг Ёо нар бүтээсэн байдаг.
Netflix-ийн амжилттай төслүүдийн нэг
“KPop Demon Hunters” хүүхэлдэйн кино нь 2025 оны зургадугаар сарын 20-нд Netflix-д нээлтээ хийснээс хойш богино хугацаанд 325 сая гаруй үзэгч татаж, 14 долоо хоногийн турш “топ 10”-д багтсан. Наймдугаар сарын сүүлээр тэргүүлэх байрт жагсаж, Netflix-ийн бүх цаг үеийн хамгийн амжилттай кинонуудын нэг болсон.
Уг киноны амжилт нь Huntr/x хамтлагийн хөгжим, тэр дундаа “Golden” дууны алдар хүндтэй холбоотой. Энэхүү дуу нь Billboard Hot 100 жагсаалтад №1 байр эзэлсэн анхны эмэгтэй К-поп сингл болж, 6 долоо хоног дараалан тэргүүлсэн. Мөн Billboard Global 200 жагсаалтад 10 долоо хоног 1-р байрыг хадгалжээ.
Тайзнаас дэлгэц рүү, дэлгэцээс театр руу
Төсөл ийнхүү амжилттай болсон нь Netflix-ийг 2025 оны наймдугаар сард “KPop Demon Hunters” киноны дуут хувилбар-ыг хоёр өдрийн турш кино театруудаар гаргахад хүргэсэн бөгөөд уг хувилбар нь Box Office-оос 18–20 сая ам.долларын ашиг олсон байна.
Нэвтрүүлэгт оролцсон бусад зочид
“The Tonight Show” шоуны энэ дугаарт мөн дуучин Женнифер Лопез оролцож, үзэгчдэд сэтгэл хөдөлгөм оройг бэлэглэжээ.
Уг шоуг Universal Television болон Broadway Video хамтран бүтээдэг бөгөөд Лорне Майклс гүйцэтгэх продюсер, Крис Миллер хөтлөгчөөр, Жерард Брэдфорд продюсерээр ажилладаг.
