Netflix-ийн супер шоу шийдвэрлэх мөчдөө орлоо
Netflix-ийн сүүлийн жилүүдийн хамгийн их шуугиан тарьж буй реалити шоунуудын нэг «Physical: Asia»-гийн төгсгөлийн ангиуд энэ долоо хоногт цацагдаж, үзэгчид ялагч хэн болохыг олж мэднэ. Гурван долоо хоног дараалан дэлхийн үзэлтээр тэргүүлсэн тус шоуны аварга 1 тэрбум воны хөрөнгийн эзэн болох бөгөөд спорт, реалити, сэтгэлзүйн тулааныг хослуулсан энэ төсөл үнэхээр жинхэнэ “амьд үлдэх” тэмцээн болж хувираад байна.
Япон аль хэдийн финал руу дөхөж, үлдсэн гурав “үхлийн хэсэг”-т тулалдана
Эхэндээ найман улсаас бүрдсэн багууд өрсөлдсөн бол шоуны хамгийн чухал мөчид Австрали, Япон, Монгол, БНСУ гэсэн дөрвөн улсын баг үлдээд байгаа. Одоогийн байдлаар:
- Японы баг тавдугаар шатанд шалгарч, дараагийн үе рүү нэг алхам урагшлачихсан
- Харин Австрали, Монгол, Солонгосын багууд эндээс цааш явах эсэхээ шийдүүлэх “үхлийн хэсэг”-т хүч үзэхээр болсон
Ингэснээр үлдсэн гурван улсын аль нэг нь заавал тэмцээнийг орхих, финалын мөрөөдлөө зогсоох нөхцөл байдал үүсээд байна.
Б.Орхонбаяр, Амотти, Виттэкер – хаана, хэн унах вэ?
Шоуны сүүлийн шатанд үлдээд буй хамгийн их анхаарал татаж буй зүйл бол багийн ахлагчдын хувь заяа. Үзэгч, шүтэн бишрэгчдийн дунд хамгийн өндөр үнэлгээ авч буй удирдагчид:
- Монголын багийн ахлагч Б.Орхонбаяр
- Австралийн төлөөлөл Амотти
- Солонгосын багийн ахлагч Виттэкер
гэсэн гурван хүн.
Тэмцээний өнөөгийн зохион байгуулалт, “үхлийн хэсэг”-ийн дүрмээс шалтгаалан эдгээр гурваас хэн нь ч шоуг орхиж болзошгүй байдалд байна. Үзэгчид цахим орчинд
“Ямар улс унах вэ?”,
“Ямар баг финалд үлдэх ёстой вэ?”
гэсэн асуултаар идэвхтэй санал асуулга, хэлэлцүүлэг өрнүүлж, энэ сэдэв сошиал медиагийн халуун цэг болоод байна.
Таны бодлоор:
- Монголын баг Б.Орхонбаярын удирдлага дор финалд үлдэх үү?
- Эсвэл Амоттигийн Австрали шийдвэрлэх мөчид тэсрэлт хийх үү?
- Эсвэл Солонгосын Виттэкер багтайгаа хамт сүүлчийн шат руу орж чадах болов уу?
гэсэн асуулт л шоуны интриг, догдлолыг хамгийн дээд түвшинд аваачиж байна.
Финалын өмнөх сүүлчийн бэрх даваа
Шийдвэрлэх агшныг тэсэн ядан хүлээж буй үзэгчдэд зориулан төгсгөлийн дугаарыг маргааш, 11 дүгээр сарын 18-ны өдөр 16:00 цагт цацахаар зарласан. Энэ дугаараас:
- Ямар улс тэмцээнээс хасагдах вэ?
- Аль баг финалын шатанд гарч, 1 тэрбум воны төлөөх тулаандаа үлдэх вэ?
гэдэг нь нэг мөр тодорхой болно.
Тэмцээний эхнээс эцэс хүртэл өрсөлдөөн, сэтгэлзүйн дарамт, багийн тактик, биеийн тамирын туйлын шалгуурыг харуулсан “Physical: Asia” шоу энэхүү төгсгөлийн ангиудаараа зөвхөн ялагчийг тодруулаад зогсохгүй, Азийн спортын нөлөө, олон улсын реалити контентийн шинэ түвшинг харуулсан төсөл болон үлдэхээр байна.
