EXO хамтлагийн гишүүн Kai ELLE Korea сэтгүүлийн зургаадугаар сарын дугаарт онцлох зочноор оролцож, сэтгэл зүй, уран бүтээлийн шинэ эхлэлийн тухай дэлгэрэнгүй ярилцлага өгчээ. Тэрээр Versace брэндийн “Eros Energy” үнэртэнтэй хамтран ажиллаж, сэтгүүлийн нүүрийг чимсэн байна.
Цэргийн албаа дөнгөж дуусгасан Kai саяхан “Wait On Me” нэртэй дөрөв дэх мини-альбомоо амжилттай дуусгаж, анхны бие даасан дэлхийн аялан тоглолт болох “KAION”-д бэлтгэж байгаа аж. Уг тоглолтын эхний зогсоол нь тавдугаар сарын 17-нд Сөүл хот байх бөгөөд энэ нь түүний шинэ уран бүтээлийн эрч хүчийг илэрхийлэх том алхам болж байна.
Kai фенүүддээ хандан:
“Цэргээс халагдсаны дараах анхны уран бүтээл болохоор ажиллах эрч хүч бүрэн сэргэсэн юм шиг санагдсан. Хоёр жил намайг хараагүй фенүүддээ хандан хэлэхэд одооноос эхлээд намайг олон удаа харах болно гэж хэлмээр байна”
хэмээн сэтгэлийн гүнээс ярьжээ.
Тэрээр уран бүтээлийн эрч хүчээс гадна олон талт соёлын контентуудад идэвхтэй оролцож байгаа бөгөөд “Jeongwaja (Мэргэжлээ сольцгооё)” нэртэй вэб шоуны хөтлөгчөөр ажиллаж байна. Нийтийн албанд ажилласан туршлага нь түүнд хүмүүстэй харьцах хандлагад бодит өөрчлөлт авчирсан гэж үзэж байгаа юм.
Kai өөрийгөө ажил дээрээ хамгийн сайн байгаа гэж мэдэгдэж, “Үр дүн чухал байхаас гадна тухайн салбарт удаан хугацаанд оршин тогтноно гэдэг өөрөө чадвар юм” хэмээн уран бүтээлчийн тууштай байдал, сэтгэл зүйн төлөвшилд онцгойлон анхаардаг болсноо дурдсан байна.
Анхны дэлхийн бие даасан тоглолтын өмнөх сэтгэгдлээ хуваалцахдаа:
“Сандарч бас догдолж байна. Гэхдээ хамгийн гол нь би үнэхээр аз жаргалтай байна… Одоо бол би фенүүдтэйгээ уулзахад илүү төвлөрч байгаа. Тэдэнд өөрийгөө хамгийн сайнаар үзүүлэхийг хүсэж байна”
гэжээ.
