“Эхнэрийн урхи” олон ангит киноны гол дүрээр танигдсан жүжигчин Чан Со Хи өөрийн нэр, зургийг зөвшөөрөлгүй ашигласан Монголын нэгэн гоо сайхны компанитай холбоотой асуудлаар хуулийн маргаан үүсгээд байна.
Тэрээр гуравдугаар сарын 26-нд олон нийтийн сүлжээнд энэ талаар мэдээлж, өөрийн нэрийг ашиглан бүтээгдэхүүн сурталчилж буйг саяхан мэдсэнээ дурджээ.
Зөвшөөрөлгүй ашиглалт илэрчээ
Жүжигчний хэлснээр тухайн компани түүний нэр, дүр төрхийг ашиглан гоо сайхны бүтээгдэхүүнээ сурталчилж, бүтээгдэхүүнийг нь өөртэй нь холбоотой мэтээр танилцуулж байгаа аж. Мөн “JSH” тэмдэглэгээг ч хууль бусаар ашигласан гэж мэдэгдсэн байна.
Тэрээр “Монголд миний нэрийг ашиглан, гоо сайхны бүтээгдэхүүн борлуулдаг компани, сайт байгааг саяхан мэдлээ. Тэд бүтээгдэхүүнээ минийх мэтээр сурталчилдаг байна. JSH тэмдгийг ч хууль бусаар ашиглажээ. Би фенүүд та нарыгаа хэзээ ч хуурахгүй шүү” хэмээн бичжээ.
Хуулийн маргаан үргэлжилж байна
Энэхүү асуудалтай холбоотойгоор Чан Со Хи холбогдох арга хэмжээг авч, хууль эрх зүйн хүрээнд асуудлыг шийдвэрлүүлэхээр ажиллаж байгаа талаар эх сурвалжууд мэдээлж байна.
2 сэтгэгдэлүүд
Нэр зураг ашиглах асуудал чухал шүү
Компани зөвшөөрөл авсан байх ёстой