Залуусын сэтгэл зүйг “тайвшруулах” хэрэгсэл болж байна
Залуусын ганцаардал, сэтгэл зүйн дарамтыг багасгахад тусалдаг хэмээн яригддаг “Jellycat” тоглоом БНХАУ-ын зах зээлд эрчимтэй өсөж, түгээмэл хэрэглээний нэг болж байна. Тус брэндийг сэтгэл гутралтай залуусын хувьд тайтгарлын хэрэгсэл мэт хүлээн авч буй нь анхаарал татаж байна.
2024 онд орлого нь 460 сая ам.долларт хүрчээ
Хамгийн сүүлийн тайланд дурдсанаар “Jellycat” брэндийн орлого 2024 онд өмнөх оноос 2.3 хувиар өсөж, 460 сая ам.долларт хүрсэн байна. Энэ өсөлт нь тус брэнд Хятадын хэрэглэгчдийн дунд тогтвортой байр сууриа тэлж буйг харуулж байгаа гэж үзэж байна.
Өсөлтийн цаана залуусын “тайвшрал, холбоо” хайсан хэрэгцээ байна гэж шинжээчид үзэв
Шинжээчдийн тайлбараар “Jellycat”-ийн өсөлт нь зөвхөн бүтээгдэхүүний түвшний амжилт бус, харин залуус сэтгэлийн тайтгарал, харилцаа холбоо, дулаан мэдрэмж эрэлхийлж буй чиг хандлагыг илтгэж байна. Ийм хэрэгцээ нэмэгдэхийн хэрээр “Jellycat” төрлийн “тайвшруулах” хэрэглээтэй тоглоом, бэлэг дурсгалын бүтээгдэхүүнүүдийн эрэлт цаашид ч өсөх боломжтой гэж дүгнэжээ.
