Лондонд болсон BAFTA 2026 ёслолын гол яриа
BAFTA шагнал гардуулах ёслол 2026 оны хоёрдугаар сарын 22-нд Лондоны The Royal Festival Hall-д боллоо. Гаднаас нь харахад “Marty Supreme” тэр үдшийн хамгийн их анхаарал татах бүтээлүүдийн нэг байв. Учир нь тус кино нийт 11 төрлөөр нэр дэвшиж, өрсөлдөөний эхэнд хүчтэй фаворит мэт харагдсан юм.
0-11: 11 нэр дэвшээд нэг ч ялалтгүй үлдсэн нь
Josh Safdie-ийн спорт өнгө аястай драмеди “Marty Supreme” энэ удаагийн BAFTA-аас хүсээгүй нэг “амжилт”-тай буцлаа. Тус кино шилдэг кино, шилдэг найруулагч, шилдэг гол дүрийн жүжигчин (Тимоти Шаламе), туслах дүрийн жүжигчин (Odessa A’zion), кастинг, эх зохиол, продакшн дизайн, зураглаач, хувцасны дизайн, эвлүүлэг, нүүр хувиргалт ба үс засалтын төрөлд нэр дэвшсэн ч 11-үүлэнд нь ялагдаж, нэг шөнө хамгийн олон удаа “хоосон” үлдсэн рекордыг давтсан байна.
Өмнөх “ялагдлын” рекордтой бүтээлүүдийн эгнээнд орлоо
A24-ийн энэ бүтээл 11 нэр дэвшээд нэг ч шагнал аваагүй цөөн киноны жагсаалтад нэмэгдэв. “Women In Love” (1969), “Finding Neverland” (2004) кинонуудтай хамт 11 нэр дэвшээд бүгдэд нь хоцорсон тохиолдол болж үлдлээ. “Marty Supreme” нь ерөнхий шагналын улирлын ярианд хүчтэй хэвээр байгаа гэж үзэгдэж буй ч BAFTA дахь энэ том алдагдал салбарынхны анхаарлыг татах нь гарцаагүй гэж нийтлэлд дурджээ.
Шаламе гол дүрийн шагналд дийлдсэн агшин хамгийн их цочроов
Үдшийн хамгийн шуугиантай мөчүүдийн нэг нь Тимотэ Шаламе шилдэг гол дүрийн жүжигчний шагналд “I Swear” киноны Роберт Арамайод дийлдсэний дараа болсон гэж тэмдэглэгдсэн байна. Гэсэн ч “Marty Supreme” Оскарын наадамд есөн төрөлд нэр дэвшсэн тул дараагийн шатанд боломж үлдэж байгаа гэж мэдээлжээ.
