Оны гол загварын үдэш бүх хүнд амжилт авчирсангүй
Нью-Йорк хотноо оны хамгийн том загварын арга хэмжээ болох Costume Institute-ийн Met Gala бал зохион байгуулагдлаа. Энэ жилийн сэдэв нь “Costume Art” буюу “Хувцасны урлаг” байсан бөгөөд Metropolitan Museum-ийн алдарт шат улаан хивсний тайз болон хувирч, одод уг сэдвийг өөр өөрийнхөөрөө тайлбарлан харуулсан юм.
Гэхдээ бүх төрх амжилттай болсонгүй. Шилдэг хувцаслалтуудын дараа fashion шүүмжлэгчдийн анхаарал хамгийн маргаантай, бүтэлгүй, ойлгомжгүй сонголтууд руу шилжжээ.
Heidi Klum Met Gala-г Halloween-той андуурсан мэт харагдсан гэж шүүмжлүүлэв. Тэрээр хөшөө мэт дүр төрх сонгосон нь улаан хивсний урлагийэ тайлбар гэхээсээ илүү багт наадмын хувцас шиг сэтгэгдэл төрүүлсэн байна.
Hailey Bieber харин Saint Laurent-ийн цэнхэр даашинзыг Schiaparelli маягийн алтан corset-тэй хослуулсан нь олон хүний хувьд хэтэрхий хачин сонголт болжээ. Тансаг харагдах ёстой байсан энэ look өнгө, хэлбэрийн хувьд нэг цогц болж чадаагүй гэж үзсэн байна.
Ил тод даашинз, өд, corset болон хэтрүүлэгтэй деталь шүүмжлэл дагууллаа
Cardi B гоёлын нэхсэн тор, том хэмжээтэй оруулгатай хувцас сонгосон ч нийт төрх нь хэтрүүлсэн харагдсан гэж шүүмжлэгдэв. Харин “Girls” цувралын од Lena Dunham гялалзсан материал болон өдтэй хувцсаар гарч ирсэн ч Met Gala-ийн сэдэвтэй оновчтой нийцэж чадсангүй.
Өсөж яваа жүжигчин Odessa A’zion corset, өндөр түрийтэй гутал болон ил гарсан цээжтэй төрхөөрөө улаан хивсэн дээр гарсан нь fashion хүрээнийхнийг урам хугалсан байна. Түүний look зоригтой байсан ч боловсронгуй, сэдэвтэй уялдсан загвар гэхээсээ илүү анхаарал татах гэсэн оролдлого мэт хүлээн авагджээ.
Gigi Hadid мөн маргааны төвд орсон. Тэрээр Miu Miu-ийн тунгалаг даашинзыг цагаан дотуур хувцастай хослуулсан бөгөөд олон хүн энэ сонголтыг Met Gala-д хэтэрхий энгийн, утгагүй ил тод байдал гэж шүүмжилсэн байна.
Бүтэлгүй төрхүүдийн жагсаалтад мөн блогер Lena Mahfouf, дизайнер Sabine Getty, Jessica Kayll, бизнес эрхлэгч Christine Beauchamp, жүжигчин Angela Bassett болон Vogue-ийн Nicole Phelps нар багтжээ.
Энэ жилийн Met Gala олон гайхалтай look-оор дүүрэн байсан ч зарим одын хувьд “Fashion is Art” гэсэн санааг илэрхийлэх оролдлого нь амжилтаас илүү маргаан дагуулсан бололтой.
Жагсаалтад багтсан нэрс:
Heidi Klum
Hailey Bieber
Cardi B
Gigi Hadid
Odessa A’zion
Lena Dunham
Lena Mahfouf
Sabine Getty
Christine Beauchamp
Jordan Roth
Angela Bassett
Jessica Kayll
Nicole Phelps
