Жүжигчин Lee Sun-bin болон Lee Kwang-soo нар бараг есөн жилийн турш үерхэж, энтертайнмент салбарын хамгийн тогтвортой хосуудын нэг гэгдэж ирсэн. Тэд хувийн амьдралаа төдийлөн дэлгэдэггүй ч хааяа нэг бие биенийхээ тухай хэлсэн жижигхэн үг, хошигнол нь фэнүүдийн анхаарлыг татдаг.
Саяхан Lee Kwang-soo фэнүүдтэйгээ шууд харилцах Bubble платформд нэгдэж, тэндээ тогтмол мессеж бичихээс гадна дуртай хоолнуудынхаа жагсаалтыг хүртэл хуваалцаж эхэлжээ.
Харин аравдугаар сарын 21-ний өглөө Lee Sun-bin Сөүл хотын Jongno-gu дүүргийн Samcheong-dong-д Sports Kyunghyang-д ярилцлага өгөх үеэрээ найз залуугийнхаа Bubble-ийг өөрөө захиалдаг эсэх талаар асуулт авчээ.
Тэр инээгээд:
“Тусгайлан захиалаагүй. Яагаад гэвэл би хувийн захиалагч нь шүү дээ”
хэмээн хариулсан байна.
Энэ үг нь тэдний харилцааг шууд хэлэлгүйгээр хошигнон илэрхийлсэн мэт сонсогдож, фэнүүдийн дунд хурдан тархжээ.
Lee Kwang-soo фэнүүдтэйгээ илүү ойр харилцаж байгаад баяртай гэв
Lee Sun-bin өөрөө найз залуугийнхаа Bubble үйл ажиллагааг дэмждэг гэдгээ мөн хэлсэн байна.
Түүний тайлбарласнаар жүжигчдэд фэнүүдтэйгээ шууд харилцах боломж дуучидтай харьцуулахад цөөн байдаг тул ийм платформоор дамжуулан ойр дотно харилцах нь сайн зүйл аж.
Lee Sun-bin өөрөө ч ярилцлагынхаа өмнө төстэй платформ ашиглан фэнүүдтэйгээ харилцсан тухайгаа дурджээ.
Тэр фэн уулзалтаас өөр үед үзэгчидтэй шууд холбогдох суваг тийм ч олон байдаггүй учраас ийм үйлчилгээ уран бүтээлч болон фэнүүдийн хоорондын зайг багасгахад тустай гэж үздэг байна.
Lee Kwang-soo-г харилцаандаа их анхааралтай хүн гэж фэнүүд өмнө нь хошигнон:
“Lee Kwang-soo-оос ч бага холбоо барьдаг залуутай битгий үерх”
гэж бичиж байсан аж.
Энэ тухай асуухад Lee Sun-bin:
“Хэрэв миний дуртай хүн зөвхөн нэг хүн рүү хэт хэлбийчихвэл бусад залуус гомдох юм биш үү? Бүгдээрээ бие биенээ хайрлая”
хэмээн тоглоомоор хариулжээ.
Тэр мөн өөрөө болон Lee Kwang-soo хоёулаа энгийн нэг мессеж бичихдээ ч урт, зөөлөн өнгө аястай зүйл бичдэг хүмүүс гэж ярьсан байна.
Тиймээс Lee Kwang-soo-ийн Bubble дээр фэнүүддээ илгээдэг урт мессежүүдийг харахад түүнд огт шинэ эсвэл сонин санагдаагүй аж.
Энэ нь тэдний өдөр тутам хэрхэн харилцдаг талаар шууд дэлгэрэнгүй яриагүй ч хосын харилцааны хэв маягийг бага зэрэг ил болгосон хариулт болжээ.
Lee Sun-bin-ийн хувьд одоо шинэ киноныхоо нээлтэд бэлтгэж байна. Түүний тоглосон “Их сургуулийн элсэлтийн шалгалтын асуултын нууц” кино аравдугаар сарын 28-нд нээлтээ хийхээр болжээ.
Тус кинонд Lee Sun-bin жижиг хотын солонгос хэлний багш Maeng Bo-ram-ын дүрийг бүтээсэн байна. Түүний дүр санамсаргүй байдлаар улсын элсэлтийн шалгалтын асуулт боловсруулах нууц багт орж, 40 хоногийн хатуу тусгаарлалтад алдаа, маргаан дагуулахгүй “төгс асуулт” боловсруулах үүрэг хүлээнэ.
Энэ явцад гардаг олон инээдтэй, санаанд оромгүй үйл явдлыг хөнгөн инээдмийн өнгө аясаар өгүүлэх аж.
