“BTS”-ийн RM анх удаа АПЕК-ийн илтгэгч болно
Өмнөд Солонгосын к-поп хамтлаг “BTS”-ийн ахлагч RM энэ долоо хоногт Хойд Кёнсан мужид болох Ази-Номхон далайн эдийн засгийн хамтын ажиллагааны (АПЕК) гүйцэтгэх захирлуудын дээд хэмжээний уулзалтад илтгэгчээр оролцоно.
Тэрбээр англи хэлээр илтгэл тавьж, АПЕК бүс нутгийн соёлын хөгжил, Солонгосын “зөөлөн хүчний бодлого”-ын талаар ярилцах юм. Ийнхүү RM нь АПЕК-ийн түүхэнд анх удаа илтгэл тавьсан к-поп уран бүтээлч болох гэж байна.
Энэ удаагийн чуулганд 21 орны эдийн засаг, бизнесийн удирдагчид оролцох бөгөөд бүс нутгийн хамтын ажиллагаа, инновац, соёлын нөлөө зэрэг сэдвүүдийг хэлэлцэнэ.
“G-Dragon”-ы тоглолтын тухай мэдээлэл худал болжээ
АПЕК-ийн чуулганы үеэр “BIGBANG” хамтлагийн гишүүн G-Dragon үнэгүй тоглолт хийнэ гэсэн мэдээлэл гарсан ч, албаныхан үүнийг худал цуу яриа болохыг мэдэгджээ.
Тэдний хэлснээр, “G-Dragon”-ы тоглолтод зориулсан бүртгэл, тасалбар, эсвэл урилга гэх мэт интернетээр тарсан бүх мэдээлэл хуурамч аж. Гэсэн хэдий ч G-Dragon нь АПЕК-ийн олон нийтийн элч төлөөлөгчөөр ажилладаг тул өмнө нь үнэ төлбөргүйгээр сурталчилгааны бичлэгт оролцож байжээ.
Түүний оролцсон шинэ сурталчилгаанд G-Dragon “АПЕК-ийн ахлагч” дүрийг бүтээж, олон улсын хамтын ажиллагаа, залуусын оролцоог уриалан дуудсан байна.
