Өмнөд Солонгосын уран бүтээлч PSY-г ( “Gangnam Style”-аараа дэлхийд танигдсан) 2022 оноос хойш жороор олгодог болсон “Xanax”, “Stilnox” зэрэг эмийг менежер болон бусад гуравдагч этгээдээр дамжуулан авсан байж болзошгүй гэх мэдээллийн дагуу мөрдөн шалгаж эхэлжээ.
Яагаад анхаарал татав
Дээрх төрлийн эмүүдийг нойргүйдэл, сэтгэл түгших зэрэгт хэрэглэдэг ч донтох эрсдэл өндөрт тооцогддог тул жор бичүүлэх, эм авах үед тухайн хүн өөрөө биечлэн үзүүлэх шаардлага тавигддаг тухай дурдсан байна.
Нэгжлэг, агентлагийн тайлбар
Мөрдөн шалгах ажиллагааны хүрээнд Сөүлийн Содэмүн дүүргийн цагдаагийнхан PSY-гийн “P Nation” агентлаг болон түүний тээврийн хэрэгсэлд нэгжлэг хийсэн гэж мэдээлжээ. Харин агентлагийн зүгээс “Албаныхантай хамтран ажиллаж, шаардлагатай бүх үйл явцыг хууль, журмын дагуу явуулна” гэсэн байр суурийг илэрхийлсэн байна.
