“Дэлхийн бяцхан мисс”-ийн амжилтаас дууны урлаг руу шинэ алхам
“Дэлхийн бяцхан мисс” тэмцээнээс “Super Grand Prix” болон “Cosmic Costume” шагнал хүртэж, эх орныхоо нэрийг өндөрт өргөсөн Т.Үжингүнж олон талын авьяасаа үргэлжлүүлэн харуулж, урлагийн салбар дундаа дууны урлагт өөрийгөө сорьж эхэлжээ. Тэрээр анхны уран бүтээлээ “Rockstar” нэртэйгээр гаргасан байна.
“Rockstar” уран бүтээлийн санаа, зорилтот сонсогчид
Шинэ дуугаа хүсэл мөрөөдлийнхөө төлөө тууштай зорьж буй найзууд, хүүхдүүдэд зориулан бүтээсэн гэж мэдээлжээ. “Rockstar” уран бүтээлээрээ тэр мөрөөдөлдөө үнэнч байх, зорилгодоо хүрэхийн төлөө хичээх урам зоригийг түгээхийг зорьсон байна.
Т.Үжингүнжийн товч танилцуулга, уран бүтээлийн суурь замнал
Төмөртөмөөгийн Үжингүнж 2017 оны 11 дүгээр сарын 19-нд Улаанбаатар хотод төрсөн. Тэрээр Хан-Уул дүүргийн Улсын ерөнхий боловсролын Хобби дунд сургуулийн 3-р ангид суралцдаг. Загвар, урлагийн чиглэлээр бага наснаасаа идэвхтэй оролцож, Mongolian Barbieland-2023 загварын шоуны шилдэг оролцогчоор тодорсон бөгөөд SHINING STARS KIDS MODEL-2023 тэмцээний 5–7 насны ангиллын GRAND PRIX титмийг хүртсэн байна. Мөн “Бяцхан мисс-2024” улсын уралдаант тэмцээнд дэд миссээр шалгарч, Mongolian Barbieland-2024 хүүхдийн загварын шоуны шилдэг оролцогч болж, Tuvza брэндийн нүүр царайгаар ажиллажээ.
Тэрээр Mongoloo kids үндэсний брэндийн нүүр царайгаар тодорч, Anji couture брэндтэй хамтран ажилладаг. “Улаанбаатарын үдэш-2024” Монгол наадмын баярын тоглолтыг нээж Монгол Улсын Төрийн дууллыг клипжүүлэн дуулсан бөгөөд Монгол Улсын гавьяат багш Соронзонболдын Батболд багшийн “Саки” дууг дуулсан гэж мэдээлсэн байна. Дубай хотод зохион байгуулагдсан Little Miss&Mister Universe 2025 олон улсын хүүхдийн урлаг, загварын их наадам, “Дэлхийн бяцхан мисс” тэмцээнээс Super Grand Prix алтан титэм, Cosmic Costume Awards шагнал хүртжээ.
Мөн Нийслэлийн гэр бүл, хүүхэд залуучуудын газраас “Авьяас” алтан медаль, Монголын Хүүхдийн байгууллагын нэгдсэн холбооноос “Лидер” алтан медаль хүртсэн байна. 2025 онд Соёлын өвийн үндэсний төвөөс “Соёлын өвийн элч төлөөлөгч” цол олгосон бөгөөд UBS телевизийн “Би зурах дуртай” нэвтрүүлгийн хөтлөгчөөр ажилладаг гэжээ.
1 comment
Шинэ өнгө аяс оруулсан бүтээл байна