Галлериад болсон хэрэг олон нийтийн анхаарлыг татлаа
Single’s Inferno 5 нэвтрүүлгээр олонд танигдсан Чой Мина Сү их дэлгүүрийн доторх ариун цэврийн өрөөнд тансаг брэндийн түрийвчээ алдсан тухайгаа сошиал сүлжээгээр дамжуулан мэдэгдэж, фенүүдийнхээ санааг зовоолоо.
Дөрөвдүгээр сарын 2-нд тэрээр өөрийн сторид “Галлериа-гийн food court-ийн ариун цэврийн өрөөнөөс миний түрийвчийг авсан хүнд…” хэмээн бичиж, өөрийнх ньх бололтой тансаг брэндийн түрийвчний зургийг нийтэлсэн байна. Түүний тайлбарласнаар, тэр богино хугацаанд холдоод ирэх хооронд түрийвч нь алга болсон бөгөөд яг энэ мөчид хэн нэгэн авч явсан бололтой гэж үзэж байгаа аж.
Энэ хэрэг хөл хөдөлгөөн ихтэй, хүмүүс олноор зорчдог их дэлгүүрийн хоолны хэсгийн дотор байрлах ариун цэврийн өрөөнд болсон гэхээрээ бүр ч их гайхширал төрүүлж байна. Ийм төрлийн газар харьцангуй аюулгүй гэж ойлгогддог ч олон нийтийн, хүн ихтэй орчинд ч хулгай гарах эрсдэл хэвээр байгааг энэ тохиолдол дахин харууллаа.
Фенүүд нь санаа зовниж, олон нийтийн аюулгүй байдлын талаар хэлэлцэж эхлэв
Мэдээлэл нийтлэгдсэний дараа фенүүд нь шуурхай хариу үзүүлж, “Удахгүй олдоосой”, “Одоо хүртэл ийм зүйл гарсаар байдаг нь гайхмаар юм” зэрэг сэтгэгдэл үлдээжээ. Үүнтэй зэрэгцэн олон нийтийн газар хувийн эд зүйлдээ анхааралтай хандах, аюулгүй байдлаа хамгаалах асуудал дахин яригдаж эхэлсэн байна.
Чой Мина Сү нь Single’s Inferno 5 нэвтрүүлэгт оролцсоноор илэн далангүй зан чанар, өөрийн гэсэн өвөрмөц өнгө төрхөөрөө олны анхааралд өртсөн. Түүнээс хойш тэр энтертэйнментийн салбарт илүү идэвхтэй ажиллаж, төрөл бүрийн шоу, драмд оролцохын зэрэгцээ саяхан томоохон агентлагтай гэрээ байгуулсан нь түүний карьер улам эрчимжиж байгааг илтгэж байна.
Одоогоор түүний эд зүйл эргэж олдсон эсэх талаар нэмэлт мэдээлэл гараагүй байгаа бөгөөд фенүүд нь түрийвчийг нь эсэн мэнд олдоосой гэж найдсаар байна.
