Фенүүдийн хүссэн зургууд эргэн ирэлтийн дохио болов
Gain дахин олны анхаарлын төвд гарахад бэлэн болжээ.
Тавдугаар сарын 3-нд Gain өөрийн сошиал хуудсандаа хэд хэдэн зураг нийтэлж, “Фенүүд эдгээрийг хүссэн болохоор эцэст нь оруулж байна. Удахгүй Bubble дээр уулзъя” хэмээн бичсэн байна. Энэ нь түүнийг цаашид илүү идэвхтэй үйл ажиллагаанд эргэн орох гэж буйг илтгэсэн дохио гэж шүтэн бишрэгчид нь хүлээн авчээ.
Зургууд дээр Gain богино bob үс засалттай, ягаан knit cardigan, denim jeans болон cowboy-style boots өмссөн харагдсан байна. Түүний камер руу тайван, бага зэрэг манарсан мэт ширтэх харц нь бүхэл төрхөд мөрөөдөмтгий уур амьсгал нэмжээ.
Сэтгэгдлүүд дундаас We Got Married нэвтрүүлгийн түүний хуучин дэлгэцийн хос Jo Kwon-ы үлдээсэн “GO BABY” гэсэн богино боловч дэмжсэн үг онцгой анхаарал татсан байна.
Jo Kwon-ы дэмжлэг “Adam Couple”-ийн дурсамжийг сэргээв
Gain-ийн нийтлэлийн дараа цахим орчинд фенүүдийн хариу шуурхай өрнөжээ. Олон хүн түүний эргэн ирэх шинжтэй алхамд баярлаж, “Тэр алдартай хагас аниатай харц нь яг Gain хэвээрээ байна”, “Тухайн үед ‘Abracadabra’-г мэддэггүй байсан бол солонгос хүн биш” гэх мэт дурсамжтай сэтгэгдлүүд үлдээсэн байна.
Зарим нь “Түүнийг дахин харахад үнэхээр сайхан байна”, “Adam Couple үнэхээр мөнхийн юм. Тэд одоо хүртэл бие биеэ дэмжиж байгаа нь сайхан харагдаж байна” хэмээн бичжээ.
Gain 2006 онд Brown Eyed Girls хамтлагийн гишүүнээр дебют хийж, “L.O.V.E,” “Abracadabra,” “Sixth Sense” зэрэг хит дуунуудаараа танигдсан. Харин 2021 онд propofol-той холбоотой маргааны дараа тэрээр үйл ажиллагаанаасаа түр холдсон бөгөөд тухайн хэрэгтэй холбоотойгоор 1 сая воны буюу ойролцоогоор 680 ам.долларын торгууль төлж байжээ.
Тэр өнгөрсөн оны сүүлээс эргэн ирэх дохиогоо өгч эхэлсэн. Тухайлбал, Jo Kwon-той дахин хамтран Even If This Love Disappears from the World Tonight киноны OST болох “I Happen to Love You” дууг дуулсан нь фенүүдийн дунд ихээхэн анхаарал татсан юм.
