Италийн загварын нийслэл Флоренц хотод тавдугаар сарын 15-нд зохион байгуулагдсан “Gucci” брэндийн “Cruise 2026” загварын шоуны тайзнаа Монгол-Францын уран бүтээлч Céline Dessberg-ийн “Сэлэнгэ” хэмээх дуу эгшиглэж, олон улсын урлаг, загварын ертөнцөд монгол аялгуу хүчтэй мэдрэмж төрүүллээ.
Энэхүү шоу нь “Gucci”-ийн 46,000 гаруй загвар бүхий архив хадгалагддаг түүхэн “Palazzo Settimanni” ордонд болсон бөгөөд өнгөрсөн ба одоо цагийн загварын шийдлийг нэгтгэсэн өвөрмөц уур амьсгал бүрдүүлжээ. Загварын үзүүлбэрийг кино мэт болгоход “Сэлэнгэ” дуу гол үүрэг гүйцэтгэж, шоуны аураг улам бүр гүнзгий болгосон байна.
“Сэлэнгэ” – Монголын уянгат байгаль, Францын уран сэтгэмжийн нэгдэл:
• “Сэлэнгэ” дуу нь Монголын байгаль, уламжлал, орчин үеийн дотоод мэдрэмжийг хослуулсан бүтээл бөгөөд Gucci-ийн архивын гүн утга, тансаг шийдэлтэй гайхалтай зохицсон.
• Céline Dessberg нь Монгол-Франц гаралтай дуучин, хөгжмийн зохиолч бөгөөд
• Түүний бүтээлүүд нь ятга, гитар, төгөлдөр хуур зэрэг үндэсний болон орчин үеийн хөгжмийн зэмсгийг ашиглан инди поп, жазз, электро, софт рок зэрэг урсгалыг нэгтгэсэн өвөрмөц өнгө төрхтэй.
• Дууны үгс нь франц, англи, монгол хэл дээр бичигддэг нь олон улсад илүү хүртээмжтэй болгожээ.
Энэхүү тоглолтод монгол дуу эгшиглэсэн нь зөвхөн Céline Dessberg-ийн амжилт биш, харин Монголын уран бүтээлчдийн уран сэтгэмж, өв соёл дэлхийд хүрч байгаагийн тод жишээ боллоо. Монгол аялгуу Gucci-ийн түүхэн тайзнаа цуурайтсан энэ мөч нь олон улсын тавцанд монгол уран бүтээлчдийн байр суурь бэхжиж буйг илтгэж байна.
