Галбир барих энгийн арга
Жүжигчин Хан Гру олон жилийн турш 42 кг жингээ хадгалж байгаа бөгөөд энэ удаад өөрийн сонирхолтой нууцаас хуваалцлаа. Тэрээр YouTube сувгаараа дамжуулан биед бариу боди өмсөх нь галбираа хадгалахад чухал нөлөөтэй гэж тайлбарласан байна.
Түүний хэлснээр, ийм төрлийн хувцас нь зөв байрлалыг барихад тусалж, хэвлийн булчинг байнга чангалж байх мэдрэмж төрүүлдэг аж. “Зүгээр л булчингаа чангалснаар хэвлийн дасгал хийж байгаа мэт болдог” хэмээн тэр онцолжээ.
Дасгал ба сахилга бат гол нөлөөтэй
Хан Гру нь ихэр хүүхэд төрүүлснээс хойш ч жингээ хэвээр хадгалж чадсан бөгөөд үүнд тогтмол дасгал, сахилга бат хамгийн чухал нөлөө үзүүлсэн гэж үздэг. Мөн хэт сул, өргөн хувцаснаас зайлсхийх нь өөрийгөө хянахад тусалдаг гэж дурдсан байна.
Тэрээр өмнө нь ч өөрийн жингийн өөрчлөлт, биеийн арчилгааны талаар сошиал орчинд хуваалцаж байсан бөгөөд энэ удаад илүү практик, өдөр тутмын дадлыг онцоллоо.
