Met Gala-ийн оройн үдэшлэгийн зураг шинэ маргаан үүсгэв
BLACKPINK хамтлагийн Lisa Met Gala-ийн дараах after-party дээр авхуулсан зургууд нь цахим орчинд шинэ хэлэлцүүлэг дагуулжээ. Түүний инстаграмд нийтэлсэн тансаг төрхтэй зургуудын дараа зарим нетизен гоо сайхны мэс засал хийлгэсэн байж магадгүй гэх таамаг дэвшүүлсэн байна.
Koreaboo-ийн тавдугаар сарын 11-ний мэдээллээр, маргаан Lisa Met Gala-д оролцсоныхоо дараа оройн үдэшлэгийн хэд хэдэн зураг нийтэлснээс эхэлжээ. Тэрээр торгон цамц, өргөн өмд, үслэг эмжээртэй блазер өмсөж, гялалзсан очир эрдэнийн зүүлт зүүж төрхөө бүрдүүлсэн байв.
Олон фен түүний царай болон хэв маягт магтаал илгээсэн ч зарим хэрэглэгч өмнөх төрхүүдтэй нь харьцуулахад цээжний хэсэг нь илүү том харагдсан гэж бичжээ.
Хувцасны хийц үү, мэс засал уу
Энэ зургаас үүдэн Солонгос болон олон улсын онлайн нийгэмлэгүүдэд Lisa-г хөх томруулах мэс засал хийлгэсэн гэх яриа тархсан байна. Pann форум дээрх нэг алдартай нийтлэл түүнийг шууд гоо сайхны ажилбар хийлгэсэн гэж буруутгасан нь маргааныг улам өдөөжээ.
Гэсэн ч хариу үйлдэл хоёр хуваагдсан байна. Зарим нетизен Lisa-ийн төрх мэдэгдэхүйц өөрчлөгдсөн гэж үзэж байгаа бол олон фен үүнийг үгүйсгэжээ.
Фенүүдийн тайлбарласнаар, Lisa-ийн дэлхий даяарх хуваарь маш шахуу байдаг тул ийм хэмжээний мэс засал хийлгээд, эдгэрэх хугацааг нь олон нийт анзаарахгүй өнгөрөх бараг боломжгүй аж.
Мөн илүү энгийн шалтгаан байж болохыг зарим нь онцолж байна. Тухайлбал, push-up загвар, хувцасны бүтэц, гэрэлтүүлэг, поз, алдартнууд эвент дээр ашигладаг галбир засах хувцаслалт зэрэг нь дүр төрхийг өөрчилж харагдуулдаг гэж тайлбарлажээ.
Frédéric Arnault-тай салсан гэх яриа дахин сөхөгдөв
Гоо сайхны мэс заслын цуурхал Lisa-г LVMH группийн өв залгамжлагч, бизнесмен Frédéric Arnault-тай салсан байж магадгүй гэх таамаг үргэлжилж буй үед гарсан нь анхаарал улам нэмэгдүүлэв.
Энэ оны эхээр Lisa Бали дахь үдэшлэг дээр DJ Disco Lines-тай ойр харагдсан гэх мэдээлэл гарсны дараа салалтын цуурхал хүчтэй болсон байна. Зарим нетизен уг мөчийг дуучин бүсгүй ганц бие болсон байж магадгүй гэх “нотолгоо” мэтээр тайлбарлажээ.
Мөн сүүлийн саруудад Frédéric Arnault Lisa-ийн инстаграм нийтлэлүүдэд ил харагдах байдлаар харилцахаа больсон гэх ажиглалт фенүүдийн дунд тархсан байна. Энэ нь тэд ойролцоогоор гурван жилийн харилцааны дараа чимээгүй салсан байж магадгүй гэх яриаг улам нэмэгдүүлжээ.
Хоёр тал харилцааны талаар тайлбар хийгээгүй
Нэмэлт таамаглал Frédéric энэ оны эхээр нэгэн томоохон загварын арга хэмжээнд үл таних эмэгтэйтэй ойр харагдсан гэх мэдээллийн дараа гарсан байна.
Гэсэн ч Lisa болон Frédéric Arnault нар харилцааны статусынхаа талаар албан ёсоор тайлбар хийгээгүй хэвээр байна.
Иймээс тэдний салсан эсэх, мөн Lisa гоо сайхны мэс засал хийлгэсэн эсэх тухай яриа одоогоор зөвхөн цахим орчны батлагдаагүй таамаг хэвээр байна.
Lisa дэлхийн поп соёлын нөлөө бүхий од хэвээр байна
Тайландад Lalisa Manoban нэрээр төрсөн Lisa нь YG Entertainment-ийн анхны гадаад бэлтгэгдэгч болж, 2016 онд BLACKPINK-ийн гишүүнээр дебют хийсэн юм.
Тэрээр тайзны ур чадвар, загварын нөлөө, олон улсын асар том фентэй гэдгээрээ дэлхийн хамгийн нөлөө бүхий K-pop оддын нэг болсон. 2021 онд “LALISA” соло төслөө гаргаснаар дэлхийн поп од гэсэн байр сууриа улам бататгасан билээ.2024 онд Lisa өөрийн LLOUD компанийг байгуулж, BLACKPINK-ийн хамтын үйл ажиллагаанаас гадна бие даасан карьераа үргэлжлүүлж байна. Мөн тэрээр жүжиг, олон улсын арга хэмжээ, Oscars, Emmy-тэй холбоотой event болон Met Gala зэрэг дэлхийн хэмжээний тавцанд идэвхтэй оролцсоор байна.
