Disney Plus-ийн “Made in Korea” цуврал олон улсын стримингийн чартуудад богино хугацаанд огцом амжилт үзүүлээд байна.
Disney Plus-ийн хэд хэдэн зах зээлд тэргүүлж, АНУ-д Hulu-гийн жагсаалтад оржээ
FlixPatrol-ийн мэдээллээр 12-р сарын 26-ны байдлаар “Made in Korea” нь Disney Plus-ийн телевизийн шоу ангилалд Солонгос, Тайваньд 1-р байранд жагссан байна. Мөн Япон, Хонконгт 3-р байр, Сингапурт 6-р байранд орсон бөгөөд АНУ-д Hulu-гийн топ 10-т 9-р байранд оржээ. Үүний зэрэгцээ дэлхийн нийт чартын 3-р байранд бичигдсэн байна.
1970-аад оны Өмнөд Солонгост өрнөх эрх мэдэл, үнэний мөргөлдөөн
Цувралын үйл явдал 1970-аад оны Өмнөд Солонгост өрнөнө. Түүхийн төвд улс орныг бизнес болгон хувиргах замаар эд баялаг, эрх мэдлийг эрэлхийлдэг компанийн дотоод ажилтан Бэк Ги Тэ (Хён Бин). Үйл явдлын хувьд улс төрийн бохир замаар эд баялаг, эрх мэдлийг олох гэдэг компанийн дотоод ажилтан Бэк Ги Тэ (Хён Бин), түүнтэй тэмцэлдэх ямар ч үнээр хамаагүй үнэнийг эрэлхийлдэг хэрцгий прокурор Жан Гён Ён (Жон Ву Сон) хоёрын талаар гарна. Хоёр гол дүрийн мөргөлдөөн нь тухайн эрин үеийг тодорхойлсон өргөн хүрээтэй үйл явдлуудыг хамрах аж.
Үзэгчдийн үнэлгээ: найруулга, жүжиглэлт, хэмнэл
“Made in Korea”-ийн түүх өгүүлэмж, гол дүрүүдийн тоглолт олон орны үзэгчдийн сонирхлыг татаж, хэлэлцүүлэг эрчимтэй өрнөж байна. Солонгосын үзэгчдийн зарим нь үүнийг “найруулга, жүжиглэлт, зохиол гээд бүх талаараа хүлээлтийг давсан” гэж үнэлсэн бол өөр хэсэг нь “хүчирхэг үзүүлбэрүүдээр дүүрэн үймээн самуунтай эрин үеийг туулсан хурдан аялал” гэж магтаж байна.
Олон улсын тоймуудад мөн хоёр гол дүрийн хувийн харилцааны шугам, Хён Биний “биеэ барьсан хэр нь тэсрэх чадвартай” дүр төрхийг онцлон тэмдэглэсэн сэтгэгдлүүд гарчээ.
Долоон хоног тутам гарах, нийт зургаан ангитайгаар үргэлжилнэ
Найруулга, зохиол, продакшны нийт үнэ цэнийг нь өндрөөр үнэлж буй энэ цуврал 2025 оны төгсгөлд нэрлэгдэх онцлох Солонгос бүтээлүүдийн нэг болж байна гэсэн үнэлгээ авчээ.
Одоогоор эхний хоёр анги нь Disney Plus дээр цацагдаж байгаа бөгөөд 12-р сарын 31-нд дахин хоёр анги гарах хуваарьтай. Үүний дараа 1-р сарын 7, 1-р сарын 14-нд тус бүр нэг анги цацагдаж, нийт зургаан ангитайгаар дуусахаар төлөвлөгджээ.
