16
“Чингис хаан” одонт Морин хуурын чуулга уламжлал болгон зохион байгуулдаг “Монгол хөгжим” цуврал тоглолт 2025 оны 6-р сарын 28-ны 18:00 цагаас Улсын Филармонийн концертын танхимд эгшиглэхээр товлогдлоо.
Энэ удаагийн тоглолт нь Монголын үе үеийн нэрт хөгжмийн зохиолчдын бүтээлүүдийг нэгэн дор цуглуулж, уран бүтээлийн залгамж холбоог харуулсан онцгой арга хэмжээ байх юм.
Тайзнаа эгшиглэх бүтээлүүд:
- Н.Жанцанноров — Хөдөлмөрийн баатар, Төрийн хошой шагналт, Ардын жүжигчин, хөгжмийн зохиолч
- Ш.Өлзийбаяр — Урлагийн гавьяат зүтгэлтэн
- Х.Алтангэрэл, Цэн.Эрдэнэбат, Э.Доржсүрэн — Орчин цагийн мэргэжлийн хөгжмийн урлагийн төлөөлөгчид
Эдгээр хөгжмийн зохиолчдын найрал хөгжимд зориулсан сонгодог бүтээлүүд нэгэн үдшийн турш үзэгчдийн зүрх сэтгэлийг хөглөнө.
Тоглолтын бүрэлдэхүүн:
- Морин хуурын чуулгын найрал хөгжим
- Удирдаач: Д.Түвшинсайхан
“Монгол хөгжим” тоглолт нь үндэсний хөгжмийн сонгодог болон шинэ үеийн урсгалыг нэгэн тайзнаа уялдуулж, Монгол хөгжмийн гайхамшгийг дахин таниулах зорилготой юм.
