2024 онд үзэгчдийн хүртээл болсон “Миний нөхөртэй гэрлээч” кинонд тоглохдоо Пак Мин Ён 37 кг хүртэл турсан нь олон нийтийн анхаарал татаж, багагүй маргаан дагуулж байсан. Тэрээр энэ удаад ч жингээ бууруулж, “Siren’s Kiss” кинонд дүр бүтээсэн байна.
“Хоол иддэггүй, зөвхөн ус болон архи л уудаг” дүрийн тухай ярив
Даатгалын залилангийн хэрэгт сэжиглэгдэж буй бүсгүйн дүрийг уг кинонд бүтээсэн жүжигчин саяхан болсон киноны сурталчилгааны үеэр тухайн дүрийнхээ нөхцөл байдлыг тайлбарлажээ. Тэрээр: “Түүний эргэн тойронд маш олон эмгэнэлт явдал болсон учраас тэр хоол иддэггүй, зөвхөн ус болон архи л уудаг” хэмээн хэлсэн байна. Үүний дагуу Пак Мин Ён дахин 37 кг хүртэл жин хасжээ.
Зураг авалтын үеийн дэглэм: өдөрт 3 литр ус, мацаг
Дүрийнхээ харанхуй талыг илүү тодруулахын тулд Пак Мин Ён зураг авалтын хугацаанд өдөрт 3 литр ус ууж, мацаг барьдаг байсан аж. Харин зураг авалт дуусмагц хэвийн жиндээ эргэн орсон бөгөөд жүжигчний хувьд энэ нь хийх ёстой зүйлсийн нэг гэж онцолжээ.
