“Physical Asia” шоуны шилдэг оролцогчдын нэг, “Австрали тивийн хамгийн хүчтэй хүн” хошой цолт Эдди Уильямс энэ зун Монголд ирж, гэр бүлийн хамт АРА-д амрахаар болжээ.
АРА КАП уралдаанд хурдан даагаа сойно
Эдди Уильямс Монгол АРА угшлын хурдан даагаа АРА КАП морин тойруулгын уралдаанд уяж, оролцуулахаар төлөвлөсөн байна.
Ингэснээр тэрээр зөвхөн амралт, аяллаар хязгаарлагдахгүй, Монголын хурдан морины соёлтой илүү ойр танилцаж, уралдаанд өөрийн даагаа сойх сонирхолтой туршлага хуримтлуулах юм.
“Physical Asia”-гийн оролцогчид АРА Фестивалийг зорин ирнэ
Эдди Уильямстай хамт Солонгосын тамирчин Ким Мин Жэ, циркчин Лхагва-Очир болон “Physical Asia” шоуны бусад оролцогчид АРА Фестивалийг зорин ирэхээр болжээ.
Тэд фестивалийн үеэр тоглолт, тэмцээн уралдаан, аялал, амралтыг хослуулан үзэгчид болон дэмжигчидтэйгээ уулзаж, дурсамж бүтээхээр төлөвлөж байна.
Монголын соёл, спорт, аяллыг нэг дор мэдрэх зун
АРА Фестиваль энэ удаа олон улсын оролцогчид, спортын хүчирхэг төлөөлөл, урлаг соёлын хүмүүсийг нэг дор цуглуулж байгаагаараа онцлог болж байна.
“Physical Asia”-гаар олон хүнд танигдсан Эдди Уильямс Монгол АРА угшлын хурдан даагаа уралдуулах гэж буй нь наадам, морин спорт сонирхогчдын анхаарлыг татах үйл явдал болох төлөвтэй байна.
