Netflix-ийн од Монголд ирлээ
Netflix-ийн хамгийн их үзэлттэй реалити шоуны нэг болсон “Physical: Asia” нэвтрүүлэгт Өмнөд Солонгосын багийн бүрэлдэхүүнд оролцсон тамирчин, алдарт бөх Жан Ын Шил Монгол Улсад иржээ.
Түүнийг Монголын багийг хариуцан ажилласан “Spark Agency” компанийн захирал Э.Дөлгөөн хүлээн авч уулзсан талаар мэдээлжээ. Тэрбээр өөрийнхөө бичвэрт:
“Бидэнтэй өмнө нь “Physical: Asia” нэвтрүүлгээр уулзаж байсан Өмнөд Солонгосын багийн гишүүн Жан Ын Шил Улаанбаатарт ирсэн байна.
Тэр 2025 онд Adidas-ийн нүүр царайгаар ажиллаж байгаа. Өмнөд Солонгосын алдартаы бөх, реалити шоуны од бөгөөд Олон улсад эх орноо төлөөлөн тэмцээнд оролцдог. Монголд өнгөрүүлэх цаг хугацаагаа үр бүтээлтэй өнгөрүүлж, мартагдашгүй дурсамж бүтээгээрэй”
хэмээн онцолжээ.
Adidas-ийн нүүр царай, олон улсын дэвжээнээс Монголын тайз руу
2025 оноос эхлэн Жан Ын Шил дэлхийн нэр хүндтэй спортын брэнд Adidas-ийн нүүр царай болон ажиллаж буй. Тэрээр:
- Өмнөд Солонгосын алдартад тооцогдох эмэгтэй бөх,
- реалити шоуны танигдсан нүүр царай,
- олон улсын тэмцээн, төслүүдэд эх орноо төлөөлөн оролцдог тамирчин юм.
Монголд ирсэн хугацаандаа спорт, контент, хамтын ажиллагааны чиглэлээр тодорхой ажлууд хийх, шинэ дурсамж бүтээх төлөвтэй байгааг хуудсуудын мэдээллээс харж болно.
Сошиал нөлөө бүхий спортын тамирчин
Жан Ын Шил зөвхөн дэвжээн дээр ч бус, сошиал орчинд ч нөлөө бүхий контент бүтээгч нэгэн.
- Спортын амьдрал, бэлтгэл, тэмцээнээ харуулсан YouTube сувгаараа 115 мянган дагагчтай,
- өдөр тутмын амьдрал, спорт, зураг авалт, аялал зэргийг хуваалцдаг Instagram хуудсанд нь 610 мянга гаруй дагагч байдаг.
Ингэснээр тэр зөвхөн мэргэжлийн спортын хүрээнд бус, олон улсын түвшинд танигдсан фитнес, хүчний спортын үлгэр жишээ эмэгтэй дүр төрх болж чаджээ.
