Агентлаг нь бүх буруутгалыг “үндэслэлгүй” гэж мэдэгдлээ
“Single’s Inferno 4” шоугаар олонд танигдсан Kook Dong Ho сургуулийн дээрэлхэлт болон “бялууны хэрэг” гэх маргаантай холбоотой буруутгалд дахин хариу өглөө.
Тавдугаар сарын 5-нд Kook Dong Ho-ийн агентлаг Mood урт хэмжээний албан ёсны мэдэгдэл гаргаж, реалити шоуны одтой холбоотой худал мэдээлэл, нэр төрд халдсан агуулга цахим орчинд тархаж байна гэж мэдэгдсэн байна.
Агентлагийн тайлбарласнаар, одоогоор онлайн community-үүдээр тархаж буй бүх буруутгал огт үнэн биш аж. Тэд эдгээр мэдэгдлийг “ямар ч нотлох баримтгүй, үндэслэлгүй буруутгал” хэмээн хатуу няцаажээ.
Мөн гуравдагч этгээдүүдийн талаар гарсан цуурхалд тусгайлан хариу өгсөн байна. “Онлайн орчинд дурдагдсан хүмүүсийн талаар бид шууд баримт шалгасан. Тэдний нэрийг буруутгагч тал олон удаа өөрчилсөн байсан. Бид эдгээр хүмүүс энэ хэрэгтэй огт холбоогүй болохыг баталсан” гэж агентлаг мэдэгджээ.
Тэд хэрэгт хамааралгүй хүмүүсийг уг маргаанд татан оруулсан нь төөрөгдөл үүсгэж, баримтыг гуйвуулсан явдалд гүн харамсаж байгаагаа мөн илэрхийлсэн байна.
“Бялууны хэрэг” болон бусад дөрвөн гол мэдэгдлийг няцаажээ
Агентлаг буруутгагчийн гаргасан дөрвөн гол мэдэгдлийг тус бүрд нь няцааж, бүгд худал гэж онцолсон байна.
Эдгээрт Kook Dong Ho бусдаар дамжуулан сургуулийн хүчирхийлэл зохион байгуулсан гэх мэдэгдэл, сурагчдын өмнө хэн нэгнийг “бялууны хэрэг”-ээр олон нийтэд гутаасан гэх яриа, нягтлан бодогчийн мэргэжлийн замналаа орхин influencer болсон нь хэвлэл мэдээллийн exposure-оор дамжуулж сэтгэл зүйн хохирол учруулсан гэх буруутгал, мөн уг асуудлыг сошиал сүлжээнд нийтэлсний дараа буруутгагч мэргэжлийн хохирол амссан гэх тайлбар багтжээ.
Mood агентлагийн байр сууринаас харахад эдгээр бүх claim нь бодит баримтаар нотлогдоогүй бөгөөд Kook Dong Ho-той шууд холбоогүй гэж үзэж байна.
Өмнө нь тавдугаар сарын 3-нд нэгэн онлайн хэрэглэгч өөрийн хувийн сошиал хуудсаар Kook Dong Ho-г олон нийтэд буруутгасан. Тэрээр “Single’s Inferno 4”-ийн оролцогчийн сургуулийн дээрэлхэлтийн хохирогч байсан гэж мэдэгдсэн юм.
Буруутгагч “Шоу цацагдаж байх үед би тамд амьдарч байгаа юм шиг санагдсан. Би сургуулийн хүчирхийлэл болон ажлын байрны дарамтын аль алиных нь хохирогч байсан” хэмээн бичжээ.
Гэсэн ч Kook Dong Ho энэ хэрэгт ямар нэгэн холбоогүй гэдгээ няцаасаар байна. Тэрээр өмнө нь “Би эдгээр хэрэгтэй ямар ч холбоогүй гэдгээ тодорхой хэлж байна” гэж мэдэгдсэн юм.
Түүний няцаалтаас үл хамааран буруутгагч тал мэдэгдлүүдээ үргэлжлүүлэн нийтэлсээр байгаа тул хоёр талын маргаан улам хурцдаж байна.
