Ганцаарчилсан уран бүтээлч Сүжин энэ зун хөгжмийн ертөнцөд дахин хөл тавихаар болсноо албан ёсоор зарлалаа. BRD Entertainment өнөөдөр хийсэн мэдэгдэлдээ, Сүжин ирэх наймдугаар сард шинэ цомгоо танилцуулахаар бэлтгэж байгааг онцолжээ.
Тус мэдэгдэлд:
“Сүжин энэ зун эргэн ирэлт хийх бөгөөд 8-р сард шинэ цомог гаргахаар төлөвлөж байна. Зөвхөн Сүжинд л тохирох өвөрмөц уран бүтээлээр эргэн ирэх тул та бүхэн дэмжээрэй” хэмээн дурдсан байна.
Шинэ цомог нь Сүжингийн хувьд 2024 оны тавдугаар сард гаргасан “Rizz” нэртэй хоёр дахь мини альбомоос хойш бүтэн нэг жилийн дараах анхны бие даасан эргэн ирэлт байх юм. Түүний хөгжмийн хэв маяг, тайзны дүр төрх үргэлж шинэлэг, сонирхолтой байдгаараа шүтэн бишрэгчдэд хүлээлт үүсгэсээр ирсэн билээ.
Мөн энэхүү шинэ цомгийн дараагаар Сүжин Хойд Америкийг хамарсан аялан тоглолт хийхээр төлөвлөж байгаа бөгөөд дэлхийн олон орны сонсогчдод уран бүтээлээ хүргэх томоохон алхам хийхээр зэхэж буй нь энэ юм.
2 комментария
Сүжин эргэн ирж байгаа нь үнэхээр гоё мэдээ байна! Шинэ цомгийг нь тэсэн ядан хүлээж байна
Энэ зун илүү сонирхолтой болох нь ээ. Шинэ дуунуудыг нь шууд сонсоно оо