Жүжигчин Уилл Смит Африкийн Ангол улсад айлчлах үеэрээ нэгэн үл таних эмэгтэйтэй бүжиглэж, тэврэлдсэн бичлэг цахим орчинд тарж, түүний гэр бүлийн харилцаатай холбоотой шинэ яриа өрнүүллээ.
57 настай жүжигчин тус улсад зохион байгуулагдах E1 аваргын тэмцээний нэг тойргийг зарлах зорилгоор Луанда хотод очсон бөгөөд энэ үеэр хөгжмийн аян дор бүжиглэнгээ нэг эмэгтэйтэй энгийн, найрсаг байдлаар харилцаж буй нь бичлэгт харагджээ. Дараа нь тэд хамтдаа зураг авхуулж, инээмсэглэн зогссон байна.
Олон нийтийн янз бүрийн хариу үйлдэл
Бичлэг цацагдсаны дараа хэрэглэгчид янз бүрийн байр суурь илэрхийлжээ. Зарим нь түүнийг амьдралаасаа таашаал авч байна гэж үзсэн бол зарим нь эхнэр Жада Пинкетт Смиттэй холбоотой өмнөх мэдэгдлүүдийг дахин сөхсөн байна.
Зарим сэтгэгдэлд тэдний харилцааг “ердийн бус” гэж тодорхойлж, тусдаа амьдардаг талаар өмнө нь ил болсон мэдээллийг дурдсан бол зарим нь Смитийг шинэ амьдрал эхлүүлж байж магадгүй гэж таамаглажээ. https://x.com/raphousetv7/status/2038027548282470733
Гэр бүлийн харилцааны нөхцөл байдал
Жада Пинкетт Смит өмнө нь өгсөн ярилцлагууддаа тэд олон жилийн турш тусдаа амьдарч байгаа бөгөөд харилцаагаа дахин тодорхойлох шатанд явж байгаагаа илэрхийлж байсан. Тэрээр хамт амьдрах эсэхдээ эргэлзэж байгаагаа мөн дурдсан байдаг.
Одоогийн байдлаар хосууд албан ёсоор гэрлэлтээ цуцлаагүй ч уламжлалт ойлголтоос өөр харилцааны хэлбэрийг хадгалж байгаа гэж үздэг.
