Squid Game-ээс хойш олонд танигдсан дүр төрх нь огцом өөрчлөгдөв
IZ*ONE-ийн хуучин гишүүн, дуучин бөгөөд жүжигчин Жо Юри Squid Game-д оролцсоноор карьертаа том үсрэлт хийж, үзэгчдийн анхаарлыг татсан. Түүнийг дугуйдуу, гэмгүй төрхтэй царай, хүүхэлдэй мэт нарийн нүүрний хэлбэртэй гэж үнэлдэг байсан бөгөөд фенүүд нь “Hamzzi Yul” (хөөрхөн шишүүхэй Юл) гэх хочоор хүртэл дууддаг байв. Гэвч 2-р сарын 23-нд гарсан түүний шинэ зургууд олон нийтийг гайхшируулж, өмнөхөөсөө эрс өөр харагдаж байна гэсэн яриа цахимд хүчтэй тархлаа.
“Танихгүй шахуу болсон” гэх хариу үйлдэл
Шинэ зургууд дээр Жо Юригийн нүүр өмнөх шигээ дүүрэн, дугуйдуу бус, илүү хурц, өнцөгтэй мэт харагдсан гэж зарим ажиглагчид бичжээ. Мөн зарим нь дунд нүүрний хэсэг унжсан шинжтэй мэт, инээмсэглэл нь “хиймэл” болсон мэт санагдсан гэж тайлбарлав. Үзэгчдийн хэсэг нь “тайлбар уншихгүй бол хэн гэдгийг нь танихгүй байсан” гэсэн утгатай сэтгэгдэл үлдээж, Squid Game-д танигдсан төрх “их өөрчлөгдсөн” гэж үзсэн байна.
Гоо сайхны процедурын “сөрөг нөлөө” байж магадгүй гэх таамаг нэмэгдэв
Сошиал орчинд зарим хэрэглэгч Жо Юригийн төрх өөрчлөгдсөн шалтгааныг гоо сайхны процедуртай холбон таамагласан байна. Тухайлбал, хамрын мэс засал, давхраа, нүдний булангийн засвар, мөн нүдний доорх хэсэг, хамар, уруул орчимд филлер хийлгэсэн байж магадгүй гэх цуу яриа гарчээ. Мөн нас ахихын хэрээр арьсны уян хатан байдал өөрчлөгдөхөд филлертэй хэсэг “доош татагдсан мэт” харагдаж болох тухай таамаг ч давхар яригдсан байна. Эдгээр нь албан ёсоор батлагдсан мэдээлэл биш бөгөөд цахим хэрэглэгчдийн таамаг, маргаан төдий тархаж байгаа аж.
Жо Юригийн замнал ба Squid Game дахь дүр
2001 онд төрсөн Жо Юри 2018 онд Produce 48 шоугаар танигдаж, финалд гуравдугаарт орсноор IZONE төслийн хамтлагт дебют хийсэн. Тэр хамтлагтаа өвөрмөц өнгө, тогтвортой хоолойн техникээрээ гол дуучны үүрэг гүйцэтгэдэг байсан гэж дурддаг. IZONE тарсны дараа тэр соло уран бүтээлээ үргэлжлүүлж, жүжигчний ажил руу орох болсон.
Тэрээр Squid Game-ийн 2–3-р улиралд тэр Ким Жүн Хи (Тоглогч 222)-гийн дүрийг бүтээсэн билээ. Дүрийнх нь өгүүлэмжид Тоглогч 333 Мён Ги (Им Ши Ван)-тай холбоотой харилцаа, жирэмслэлт, мөн төрөхтэй холбоотой хэсгүүд орсон нь үзэгчдэд хүчтэй сэтгэгдэл үлдээсэн юм.
