Сидни Суини “Euphoria” цуврал дахь илэн далангүй хэсгүүд болон нүцгэн зураг авалтаасаа болж дахин олны анхааралд ороод байгаа энэ үед түүний найз залуу, продюсер Скутер Браун уг асуудалд хэрхэн ханддаг талаар эх сурвалж мэдээлжээ.
Page Six-ийн мэдээлснээр 44 настай Скутер Браун Сидни Суинигийн жүжигчний ажлыг бүрэн ойлгож, түүний сонгосон дүрүүдэд хяналт тавихыг оролддоггүй байна.
Эх сурвалж:
“Скутер Сиднигийн ‘Euphoria’ дахь илэн далангүй хэсгүүд болон бусад жүжигчний ажилд нь бүрэн тайван ханддаг. Тэр энэ нь түүний ажлын нэг хэсэг гэдгийг сайн ойлгодог бөгөөд Сиднигийн мэргэжилдээ үнэнч байдлыг хүндэтгэдэг”
хэмээн ярьжээ.
Мөн тэдний харилцааны талаар:
“Тэдний харилцаа маш бат бөх, бие биедээ бүрэн итгэдэг. Скутер түүнийг ямар дүр сонгох ёстойг хянадаг хүн биш. Тэр Сиднигийн карьерыг дэмждэг бөгөөд түүний хүрсэн бүх амжилтаар бахархдаг”
гэж эх сурвалж нэмж хэлсэн байна.
Сидни Суини, Скутер Браун нарын харилцаа
Скутер Браун, Сидни Суини нарын харилцааны тухай анх 2025 онд мэдээлэгдсэн. Түүнээс хойш тэднийг Лос-Анжелес дахь болзоо, олон нийтийн арга хэмжээ, мөн Жефф Безос, Лорен Санчес нарын хурим зэрэг томоохон үйл явдлын үеэр хамт харсан байна.
Мөн Брауныг Суинигийн төрсөн өдрийн үдэшлэг дээр харсан бөгөөд саяхан хос амралтаа хэрхэн өнгөрүүлж буйгаа олон нийтэд харуулжээ.
“Euphoria”-гийн гуравдугаар улирал маргаан дагуулав
“Euphoria” цувралын гуравдугаар улирал гарсны дараа 28 настай Сидни Суини, түүний бүтээсэн Кэсси дүр дахин шүүмжлэлд өртсөн. Нэг анги дээр түүний дүр амандаа хөхөлттэй, хүүхдийн дүр төрхтэй мэт харагдах хэр нь өдөөн хатгасан байрлалтай гарсан нь олон нийтийн дунд “хүүхдийг бэлгийн байдлаар дүрсэлсэн” гэх шүүмжлэл дагуулжээ.
Мөн хэрэглэгчид Суини цувралд хэт задгай хувцастай, нүцгэн байдлаар олон гарч байгааг шүүмжилсэн байна. Үйл явдлын дагуу түүний дүр OnlyFans төрлийн вебкам платформд зориулж контент бүтээн мөнгө олдог аж.
Сидни Суини өмнө нь ч шүүмжлэлд өртөж байсан
Сидни Суинигийн Холливуд дахь маргаантай имиж өмнө нь ч олон нийтийн анхаарлыг татаж байсан. Өнгөрсөн жил түүнийг American Eagle брэндийн жинсний сурталчилгаанд тоглосных нь дараа “цуцлах” уриалга гарсан юм.
Тус сурталчилгаанд jeans буюу жинс, genes буюу ген гэх үгийн адил дуудлагыг ашиглан “Сидни Суини гайхалтай гентэй” гэх утгатай санаа гаргасан нь евгеник болон цагаан арьстны давуу байдлыг сурталчилсан гэх шүүмжлэл дагуулжээ. Суини өөрөө цэнхэр нүдтэй, шаргал үстэй, “норд төрхтэй” тул маргаан улам хүчтэй болсон байна.
Мөн тэрээр ил тод Бүгд найрамдах намыг дэмждэг гэдгээрээ Холливудад онцгой тохиолдолд тооцогддог. Гэсэн ч шүүмжлэлийн дараа ч Суини тухайн брэндийн сурталчилгаанд дахин тогложээ.
Ким Новак Суиниг өөрийн дүрд тоглуулахыг эсэргүүцсэн
Дөрөвдүгээр сард 1950-иад оны Холливудын секс бэлэг тэмдэг, домогт жүжигчин Ким Новак Сидни Суиниг өөрийн тухай намтарчилсан кинонд тоглуулахыг эсэргүүцсэн байна.
Новакын үзэж буйгаар Суини “үргэлж бэлгийн өнгө аястай харагддаг” тул түүнийг Сэмми Дэвис Жуниортой байсан харилцааных нь гүн утга, сэтгэл хөдлөлийг бүрэн илэрхийлж чадахгүй гэжээ. Новакын хэлснээр тэдний харилцаа зөвхөн бие махбодын таталцал дээр суурилаагүй байсан аж.
Мөн Суинигийн маргаантай нэр хүндээс болж “Euphoria”-гийн хамтрагч Зендая гуравдугаар улирлын нээлтийн үеэр түүнтэй хамт зураг авхуулахаас татгалзсан гэх мэдээлэл гарсан. Харин дөрөвдүгээр сард Суиниг “The Devil Wears Prada 2” киноноос түүний эргэн тойрон дахь дуулиантай холбоотойгоор хассан тухай мэдээлэгджээ.
