Жүжигчин Choi Hyun Wook фэнүүдтэйгээ өглөө эрт хийсэн live broadcast-ийн үеэр согтуу байдалтай харагдсаны дараа дахин шүүмжлэлд өртөөд байна.
Тэрээр наймдугаар сарын 30-нд өөрийн албан ёсны олон нийтийн сүлжээний хаягаар live хийжээ. Нэвтрүүлгийг үзсэн Солонгос болон гадаад фэнүүдийн дунд нэг хэсэг нь баярласан бол нөгөө хэсэг нь түүний согтолтын түвшинд санаа зовж, шүүмжлэлтэй хандсан байна.
Live-ийн үеэр Choi Hyun Wook гадаад үзэгч олон байгааг анзаарч:
“Энд гадаад хүмүүс их байгаа юм шиг байна. Орчуулга нь өөрөө болох байх, гэхдээ солонгос хүмүүст сайн хандах хэрэгтэй. Үнэхээр шүү” гэж хэлжээ.
Мөн тэрээр өөрийн гадаад төрхийн талаар:
“Би одоо үнэхээр царай муутай харагдаж байгаа биз дээ? Учир нь би гахай. Гахай” хэмээн ярьсан байна.
Үзэгчид түүнээс яагаад ийм эрт, согтуу байхдаа live хийж байгаа талаар асуухад Choi Hyun Wook:
“Энэ цагт солонгосчууд унтаж байгаа. Тиймээс намайг зогсоох хүн байхгүй” гэж хариулжээ.
Энэхүү live broadcast нь жүжигчний өмнөх маргаануудыг дахин сөхөхөд хүргэсэн байна. Choi Hyun Wook өмнө нь хэд хэдэн удаа олон нийтийн шүүмжлэлд өртөж байсан юм.
2023 онд түүнийг найзуудтайгаа гудамжинд тамхи татаж, ишийг нь газар хаяж буй бичлэг цахим орчинд тарсан. Үүний улмаас тэрээр торгууль төлж, дараа нь гараар бичсэн уучлалын захидал нийтэлж байв.
Дараа жил нь тэр өөрийн нийтэлсэн зургаар дахин анхаарал татсан. Баавгай хэлбэртэй гялгар гадаргуутай жижиг баримал дээрх тусгалд түүний биеийн хэсэг санамсаргүй харагдсан нь маргаан үүсгэжээ. Мөн улс төрийн өдөөн хатгасан агуулга нийтэлдгээрээ танигдсан нэгэн олон нийтийн сүлжээний хаягийг дагадаг нь илэрсний дараа ч хэлэлцүүлэг өрнөсөн байна.
Саяхан Choi Hyun Wook мэргэжлийн baseball-ийн тоглолтын ceremonial first pitch хийхдээ хүүхэд batter-ийн толгой дээгүүр хүчтэй шидсэнээс болж шүүмжлэлд өртсөн. Тэр өмнө нь baseball тоглож байсан тул энэ үйлдэл илүү их маргаан дагуулсан юм. Түүний agency дараа нь жүжигчин тухайн хүүхдэд уучлалын захидал илгээсэн гэж мэдэгдсэн байна.
Одоо өглөө эрт хийсэн согтуу live broadcast нь Choi Hyun Wook-ийн нэрийг дахин маргааны төвд орууллаа. Зарим фэн түүний биеийн байдал, сэтгэлзүйд санаа зовж байгаа бол нөгөө хэсэг нь олон нийтийн өмнө илт согтуу байдалтай broadcast хийсэн нь хариуцлагагүй үйлдэл гэж шүүмжилж байна.
