Америкийн жүжигчин, «Оскар»-ын шагналт Эва Мари Сэйнт 102 насандаа таалал төгсжээ. Энэ талаар Variety сэтгүүл мэдээлэв.
“Телевизийн эхэн үеийн анхны тод оддын нэг болсон энэхүү эмзэг төрхтэй жүжигчин шилдэг туслах эмэгтэй дүрийн «Оскар»-ын шагнал хүртэж байсан” гэж нийтлэлд дурджээ.
Тэрээр амьд сэрүүн байсан «Оскар»-ын шагналтнуудаас хамгийн өндөр настнуудын нэг байсныг мөн онцолсон байна.
Эва Мари Сэйнт 1924 онд АНУ-ын Нью-Жерси мужийн Ньюарк хотод төржээ. Түүний жүжигчний карьер 1940-өөд онд эхэлсэн бөгөөд 1955 онд «On the Waterfront» киноны дүрээрээ шилдэг туслах эмэгтэй дүрийн «Оскар» хүртсэн юм.
Мөн тэрээр «Grand Prix» (1966), «The Best Little Girl in the World» (1981), «Nothing in Common» (1986) кино болон «People Like Us» (1990) мини цувралд тогложээ. Тус мини цувралын дүрээрээ «Эмми» шагнал хүртсэн байна.
Өмнө нь 10-р сарын 1-нд кино эвлүүлэгч Жон Гровер Их Британид 88 насандаа таалал төгссөн тухай мэдээлж байв.
