Хятадын Pop Mart компани дэлхий даяар алдартай болсон Лабубу хүүхэлдэй-н борлуулалтын ачаар 2025 оны эхний хагас жилд ашиг орлогоо 400% өсгөсөн байна.
Компанийн гүйцэтгэх захирал Ван Нин хөрөнгө оруулагчдад хандан энэ онд төлөвлөсөн 20 тэрбум юанийн ($2.78 тэрбум) орлого биелэх нь тодорхой болсон бөгөөд 30 тэрбум юаньд хүрэх боломжтой гэж мэдэгдэв.
Гол үзүүлэлтүүд
- Ойрын жилүүдэд Pop Mart Ойрх Дорнод, Төв Европ, Төв ба Өмнөд Америк руу тэлэхээр төлөвлөж байна.
- АНУ-д 40 дэлгүүртэй болсон бөгөөд 2025 оны эцэс гэхэд дахин 10 дэлгүүр нээх төлөвлөгөөтэй.
- Умард Америк, Ази, Номхон Далайн орлого энэ онд 2024 оны Хятадын зах зээлээс олсон дүнтэй тэнцэх төлөвтэй.
Pop Mart-ийн гол бизнес нь “сохор хайрцаг” (blind box) хэлбэрийн цуглуулгын тоглоом үйлдвэрлэл бөгөөд нэг хайрцагт ямар хувилбар тоглоом байгааг худалдан авагч задлах хүртлээ мэддэггүй. Үнэ нь дунджаар $10–$20.
Лабубу дэлхийн тренд болж байна
Касин Лунгийн бүтээсэн “The Monsters” цувралын Лабубу хүүхэлдэй нь өхөөрдөм мөртлөө зэвүүн төрхөөрөө онцлог. Түүнийг Рианна, Дэвид Бекхэм зэрэг одууд сонирхож, дэлхий даяар борлуулалт нь тэсрэлттэй өсчээ.
Pop Mart энэ долоо хоногт Лабубугийн гар утасны мини хувилбар-ыг танилцуулахаар төлөвлөсөн бөгөөд ирээдүйд хүүхэлдэйг дижитал контент болон анимэйшн киноны баатар болгох хувилбарыг судалж байгаа аж.
