2025 оны 6-р сарын 21-нд Улаанбаатар хотын Төв Цэнгэлдэх Хүрээлэнд K-POP-ын домогт од, BIGBANG хамтлагийн гол дуучин TAEYANG түүхэн тоглолтоо хийхээр боллоо. Энэхүү тоглолт нь “EVANDIS ENTERTAINMENT”-ын зохион байгуулж буй “SUPER CONCERT 2025”-ын хүрээнд болох юм.
BIGBANG болон TAEYANG-ийн алдар
“Haru Haru”, “Bang Bang Bang”, “Fantastic Baby” зэрэг хит дуугаараа дэлхий дахины K-POP соёлыг эзэгнэсэн BIGBANG хамтлагийн гишүүн TAEYANG нь өөрийн “Eyes, Nose, Lips”, “Wedding Dress”, “VIBE” зэрэг уран бүтээлүүдээрээ дэлхийн сая сая фенүүдийн зүрх сэтгэлийг татсан нэгэн билээ.
Монгол дахь K-POP соёлын шинэ түүх
TAEYANG-ийн энэхүү тоглолт бол зүгээр нэг концерт бус Монголын урлагийн түүхэнд шинэхэн хуудас нээх, олон улсын түвшний хөгжмийн арга хэмжээ болохоор зорьж буй үйл явдал юм. Өнгөрсөн 2024 онд “EVANDIS ENTERTAINMENT”-аас зохион байгуулсан SUPER CONCERT нь RAIN, Sandara Park (2NE1), BLOO зэрэг алдартнуудыг нэг тайзан дээр авчирч байсан бол энэ жил бүр ч илүү хүчтэйгээр эргэн ирж байна.
Тасалбарын мэдээлэл
2025 оны 4-р сарын 27-ны 20:00 цагаас эхлэн албан ёсны постер цацагдаж, EARLY BIRD тасалбарын урьдчилсан борлуулалт эхэлжээ. Тасалбарын тоо хязгаартай тул шүтэн бишрэгчид та бүхнийг яаралтай амжиж захиалгаа өгөхийг уриалж байна.
6-р сарын 21-нд, Төв Цэнгэлдэх Хүрээлэнд — BIGBANG хамтлагийн шилдэг уран бүтээлч TAEYANG-тай хамт түүхэн агшинд оролцохдоо бэлэн үү?
