Клубт бүжиглэсэн бичлэг нь маргаан дагуулжээ
BLACKPINK хамтлагийн Jennie 2026 оны Met Gala-ийн дараа Нью-Йоркийн клубт болсон after-party дээрх үйлдлээсээ болж цахим орчинд хүчтэй шүүмжлэлтэй тулгарч байна.
Маргаан Jennie Met Gala-ийн дараах хэд хэдэн үдэшлэгт шөнө орой болтол оролцсон гэх мэдээллээс эхэлжээ. Тэдгээр party-нуудын нэгнээс авсан бичлэг цахим орчинд хурдан тархаж, Jennie эрч хүчтэй бүжиглэж, хөгжилдөж буйгаар харагдсан байна. https://x.com/cherrykatyyyss4/status/2051734019331793297/video/1
Фенүүд концертын тайзтай нь харьцуулан шүүмжлэв
Бичлэг тархсаны дараа зарим фен болон нетизенүүд Jennie-ийн party дээрх эрч хүчийг сүүлийн үеийн концертын үзүүлбэрүүдтэй нь харьцуулж эхэлжээ.
Тэдний зарим нь Jennie-г тоглолтын үеэр хангалттай идэвхтэй харагддаггүй гэж өмнө нь шүүмжилж байсан бол клубт илүү эрч хүчтэй, чөлөөтэй байгааг нь хувь хүний мэргэжлийн хандлагатай нь холбон маргаан үүсгэсэн байна.
Зарим хэрэглэгч:
“Тэр концерт дээрээ хэзээ ч ийм эрч хүчтэй байгаагүй.”
“Party хийхдээ ийм их энергитэй байдаг хэрнээ бусад үед байнга ууртай мэт харагддаг.”
“Фенүүд нь концерт дээр ийм хэмжээний энергийг шаардах ёстой.”
“Тэр үргэлж гол дүр болохыг хүсдэг юм шиг.”
гэж бичжээ.
Анхаарал татахыг оролдсон гэх буруутгал гарчээ
Зарим нетизен Jennie-г үдэшлэгийн үеэр хэт анхаарал татахыг оролдсон гэж буруутгасан байна. Тэд түүний бүжиглэж буй байдлыг зохисгүй гэж үзэж, бусдын дунд зориудаар төвд нь байхыг хүссэн мэт харагдсан гэж шүүмжилжээ.
Гэхдээ эдгээр шүүмжлэл нь ихэвчлэн цахим орчны сэтгэгдэл, фенүүдийн хувийн байр суурь дээр үндэслэж байгаа бөгөөд Jennie өөрөө уг асуудлаар албан ёсны тайлбар хийгээгүй байна.
Цахим хэлэлцүүлэг улам ширүүсэв
Jennie-ийн after-party дээрх бичлэг олон нийтийн сүлжээнд тархсанаар түүний тайзны мэргэжлийн байдал, хувийн амьдрал дахь чөлөөт зан авирыг харьцуулсан хэлэлцүүлэг улам ширүүсжээ.
Зарим хэрэглэгч түүнийг шүүмжилж байгаа бол зарим фенүүд party бол хувийн цаг, концертын үзүүлбэртэй шууд харьцуулах нь шударга бус гэж хамгаалж байна.
Одоогоор Jennie болон түүний баг уг маргаантай холбоотой мэдэгдэл хийгээгүй байна.
