Дуучин Бритни Спирс сүүлийн үед харилцаа нь сайжирч эхэлсэн хөвгүүдтэйгээ хамт амарч буй мөчүүдээ олон нийтэд хуваалцлаа.
Өдгөө 44 настай уран бүтээлч өөрийн хөвгүүд болох 19 настай Шон Престон, 18 настай Жейден Жеймс нарын хамт дарвуулт завин дээр цагийг хөгжилтэй өнгөрүүлж буй бичлэгүүдээ сошиал хуудсандаа нийтэлжээ. Тэрээр амралтын үеэр камерын өмнө бүжиглэх дуртай хэвээр байгаагаа харуулж, цахим орчинд “зэрлэг” хэмээн нэрлэгддэг өвөрмөц хөдөлгөөнүүдээ дахин толилуулсан байна.
Спирс бичлэгийнхээ тайлбарт “Би одоо ч мөрөөдөж чадна” хэмээн бичсэн бөгөөд постоо тавихаасаа өмнө сэтгэгдэл үлдээх хэсгийг хаасан байв.
Харилцаа аажмаар сайжирч байна
Өмнө нь дуучны сэтгэцийн эрүүл мэнд болон гэр бүлийн маргаанаас үүдэн хөвгүүд нь эцэг Кевин Федерлайны асрамжид шилжиж, ээжтэйгээ харилцах харилцаа нь нэлээд хязгаарлагдмал байсан билээ. 2022 онд хөвгүүд нь “эвлэрэхэд хугацаа болон ихээхэн хүчин чармайлт шаардлагатай” гэж мэдэгдэж байсан нь олны анхаарлыг татаж байв.
Гэвч тэд насанд хүрсэн цагаас хойш харилцаа нь аажмаар дээрдэж, Спирс хөвгүүдийнхээ зургийг нийтлэх, хамтдаа цагийг өнгөрүүлэх нь илт нэмэгдсэн байна.
Шүүмжлэл үргэлжилсээр байна
Хэдийгээр гэр бүлийн харилцаа нь эерэг тийшээ эргэж байгаа ч дуучны этгээд зан авир, сошиал дахь идэвх нь олон нийтийн дунд маргаан дагуулсаар байна. Түүнчлэн сүүлийн үед түүнийг согтуугаар жолоо барьсан хэргээр саатуулсан гэх мэдээлэл дахин шуугиан тариад байгаа юм.
