“Аав”, “Бастер” гэх бичвэрүүдийг лазераар арилгасан гэж мэдээлэв
Бекхэмийн гэр бүлийн маргаан шинэ шатанд хүрсэн талаар мэдээллүүд гарч байна. Том хүү Бруклин Бекхэм аав Дэвид Бекхэмдээ зориулж хийлгэсэн шивээсээ арилгасан нь олны анхаарлыг татжээ. Их Британийн The Sun сонинд нийтлэгдсэн шинэ зурагт Бруклин баруун дээд гар дээрх том зангууны шивээснээс “аав” болон “Хайртай шүү, Бюст” гэх бичвэрүүдийг лазераар арилгасан мэт харагдсан байна. Тухайн шивээс нь Дэвид Бекхэм хүүгээ анх удаа шивээс хийлгэхээр авч явсан гэх утгаараа бэлгэдлийн чанартай байсан гэж тайлбарлажээ.
Маргааны суурь, Дэвидийн “Бастер” шинэ шивээс, гэр бүлийн байр суурь
Энэ үйлдэл нь Бруклин өнгөрсөн сард “Би гэр бүлийнхэнтэйгээ эвлэрэх бодолгүй байна” гэж олон нийтэд мэдэгдсэнтэй давхцаж, бэлгэдлийн утга нь улам хүчтэй болжээ. Тэр үед Бруклин “Бэкхэмийн брэндийг гэр бүлээс үргэлж илүүд үздэг байсан” гэж хэлсэн бөгөөд эцэг эх нь хэвлэл мэдээллээр дамжуулан өөрийг нь болон эхнэрийг нь хянадаг гэж буруутгаж байсан талаар дурдсан байна.
Мөн Дэвид Бекхэм Катарын Доха хотод айлчлах үеэрээ хүзүүнийхээ ар талд “Бастер” шивээс хийлгэсэн нь ил болсон гэж мэдээлжээ. 2015 онд том хүүгээ хүндэтгэн хийлгэсэн гэх энэ шивээс нь аав хүүгийн харилцааны хурцадмал байдалтай эсрэгцэж харагдаж байна гэж тайлбарлагдсан байна.
Бруклин өмнө нь ээж Виктория Бекхэмдээ зориулсан “ээжийн хүү” гэсэн цээжний шивээсээ нуусан гэх мэдээлэл гарч байсан бөгөөд эцэг эхтэй холбоотой шивээснүүдээ дараалан арилгаж буй нь холбоогоо тасалж буй “мэдэгдэл” гэж үзэхэд хүргэжээ.
Энэ маргааны талаар Бруклиний хадам аав, тэрбумтан Нельсон Пелтц олон нийтийн өмнө болгоомжтой байр суурь илэрхийлж, “Миний охин, хүргэн хоёр сайн байгаа бөгөөд би тэдний урт удаан гэрлэлтийг дэмжиж байна” гэж мэдэгдсэн байна. Зөвлөгөө өгдөг эсэх талаар асуухад “Бид бие биетэйгээ зөвлөгөө солилцдог” гэж хариулжээ.
Мөн Бруклин гэрлэхээсээ өмнө эцэг эх нь нэрээ ашиглахтай холбоотой гэрээ байгуулахад албадсан, хуримын явцад зөрчил, доромжлол гарсан талаар дэлгэрэнгүй ярьсан гэж мэдээлжээ. Тэрээр “Гэр бүлээсээ холдсоноос хойш намайг бүхэл бүтэн амьдралаар минь зовоож байсан түгшүүр алга болсон” гэж онцолж, одоогийн амьдралдаа сэтгэл хангалуун байгаагаа илэрхийлсэн байна.
Дэвид, Виктория Бекхэм нар албан ёсоор байр суурь илэрхийлээгүй ч тэдний ойрын эх сурвалж “Тэд Бруклинийг бэлэн болсон үед нь эргэж ирнэ гэж найдаж байна” гэж мэдэгджээ.
