Оддын харилцаа шинэ шатанд хүрсэн үү
Дуучин Харри Стайлс болон жүжигчин Зои Кравиц нар сүй тавьсан байж магадгүй гэх мэдээлэл олны анхаарлыг татаж эхэллээ. Page Six-д ойрын эх сурвалжийн өгүүлснээр “Тэр хоёрын харилцаа дараагийн шатанд хүрсэн” байна.
Зоигийн бөгж таамгийг улам хүчтэй болгов
Сүүлийн өдрүүдэд Зои Кравиц ядам хуруундаа гялалзсан бөгж зүүсэн байдалтай олны нүдэнд өртсөн нь цахим орчинд хурдан тархжээ. Үүний дараа тэд сүй тавьсан байж магадгүй гэх яриа улам эрчимжсэн байна.
Хосуудын харилцаа хэрхэн олны анхааралд орсон бэ
Харри, Зои хоёр анх 2025 оны наймдугаар сард Ром хотод хамт харагдсан. Үүний дараа Лондонд дотно байдалтай олны өмнө гарч ирснээр тэдний харилцааны тухай яриа улам нэмэгджээ.
2026 оны эхээр Зои ойр дотнын хүмүүстээ Харриг “заяаны хань” гэж тодорхойлж байсан гэх мэдээлэл ч гарсан байна. Хосууд харилцаагаа албан ёсоор зарлаагүй ч Бруклинд хамт харагдаж, мөн Saturday Night Live-ийн after party-д гар гараасаа хөтлөлцөн очсон нь тэдний ховорхон олон нийтийн мөчүүдийн нэг болсон юм.
Өмнөх харилцаанууд
Зои Кравиц өмнө нь Карл Глусмантай 2019–2020 онд гэрлэж байсан. Үүний дараа тэрээр Чаннинг Татумтай сүй тавьсан ч 2024 онд салжээ.
Харин Харри Стайлс өмнө нь Оливиа Уайлд, Кендалл Женнер, Тэйлор Свифт зэрэг алдартнуудтай нэр холбогдож байсан билээ.
Албан ёсны баталгаа одоогоор алга
Одоогоор Харри Стайлс болон Зои Кравицын талын хэвлэлийн төлөөлөгчид сүй тавьсан эсэхийг батлаагүй байна. Албан ёсны мэдэгдэл гараагүй ч ойрын хүрээллийн мэдээлэл энэ яриаг үнэн байх магадлалтай болгож байна.
2 сэтгэгдэлүүд
Үнэн бол үнэхээр гоё мэдээ байна
Хүмүүс шууд л цуурхал тараачих юм аа