Нью-Йоркт загварын жилийн гол үдэш болов
Өнгөрсөн шөнө Нью-Йорк хотод загварын ертөнцийн хамгийн том арга хэмжээ гэгддэг Костюмын хүрээлэнгийн Met Gala бал зохион байгуулагдлаа. Энэ жилийн ёслолын сэдвийг “Костюмын урлаг” хэмээн тодорхойлсон байна.
Зарим алдартнууд Met Gala-ийн шилдэг төрхүүдийн жагсаалтад багтаж, заримынх нь хувцаслалт хамгийн бүтэлгүй сонголтуудын тоонд орж байсан бол өөр хэсэг нь анхаарал татахын тулд зориуд этгээд, өдөөн хатгасан дүр төрхийг сонгожээ.
Алдартнуудын хамгийн маргаантай сонголтууд
Люк Эванс арга хэмжээнд бүхэлдээ арьсаар хийсэн костюмтай ирсэн бөгөөд түүний төрх олон хүнд улаан хивсний сонгодог гоёл гэхээсээ илүү BDSM хэв маягтай хувцас мэт санагдсан байна.
Гвендолин Кристи улаан хивсэн дээр өөрийн нүүр царайг хуулбарласан мэт харагдах гиперреалист масктай гарч иржээ. Түүний сонголт хувцаслалт гэхээсээ илүү театрчилсан үзүүлбэрийг санагдуулсан байна.
Харин Сабина Гетти анатомийн хэв маягтай принт бүхий хувцсаараа олны анхаарлыг бараг бүхэлд нь өөр дээрээ төвлөрүүлжээ. Түүний гоёл хүний биеийн бүтэц, анатомийн дүрслэлийг санагдуулам шийдлээрээ Met Gala-ийн хамгийн их яригдсан төрхүүдийн нэг болов.
Протез, когт хэлбэрийн чимэглэл, хүний дүрстэй хувцас
Ничапат Супхап болон Лена Махфуф нарын хувцас хиймэл эрхтэн, протез маягийн элементүүдээрээ онцгойрсон ч үзэгчдийн дунд илүүтэй асуулт төрүүлсэн байна.
Тесса Томпсоны даашинз өөрөө балын сэдвээс хэт зөрөөгүй байсан ч түүний гарын чимэглэл бүх анхаарлыг татжээ. Тэрээр хуруунаас нь будаг урсаж буй мэт харагдах урт, хурц накладка зүүсэн нь төрхийг нь илүү драматик болгосон байна.
Жордан Рот хилэн материалаар хийсэн, нуруу хэсэгтээ хүний биеийн дүрсийг санагдуулам хэлбэртэй хувцсаар олныг гайхшируулжээ. Түүний гоёл Met Gala-ийн зоримог уур амьсгалтай нийцсэн сонголт байв.
Готик даашинз, чимэглэлтэй костюм, баримал мэт корсет
Стиви Никс готик романы эмэгтэй баатрыг санагдуулам даашинз сонгосон байна. Түүний төрх бараан, нууцлаг, хуучны уран зохиолын уур амьсгалтай байв.
Хэмиш Боулз ер бусын чимэглэлтэй, өвөрмөц оруулгууд бүхий костюмтай иржээ. Энэхүү хувцас нь сонгодог костюмын хэв маягийг эвдэж, илүү уран сайхны шинжтэй болгосон байна.
Францын дуучин Yseult хүнд, баримал мэт хийцтэй корсет болон нүүрнийх нь талыг халхалсан драматик толгойн гоёлоороо онцгойрчээ. Түүний дүр төрх Met Gala-ийн хамгийн сүрлэг сонголтуудын нэг болсон байна.
Люк Эванс
Гвендолин Кристи
Сабина Гетти
Тесса Томпсон
Жордан Рот
Ничапат Супхап
Лена Махфуф
Стиви Никс
Хэмиш Боулз
Yseult
