“Romantic Anonymous”-ийн Yuri Nakamura 44 насандаа таалал төгслөө: Хорт хавдартай 13 жил тэмцжээ

Netflix-ийн “Romantic Anonymous” цувралаар олон үзэгчдэд танигдсан жүжигчин Yuri Nakamura 44 насандаа бүдүүн гэдэсний хорт хавдрын улмаас таалал төгсжээ. Тэрээр Японд дөрөв дэх үеэрээ амьдарч буй солонгос гаралтай уран бүтээлч байсан бөгөөд олон жилийн турш хорт хавдартай тэмцсэн байна.

Alpha Agency есдүгээр сарын 15-нд түүний нас барсан тухай албан ёсоор мэдэгдэж, Yuri Nakamura есдүгээр сарын 1-нд тайван амьсгал хураасан гэж мэдээлжээ.

Түүний оршуулгад гэр бүлийн ойрын хүмүүс, хамтран ажиллаж байсан жүжигчид болон агентлагийн ажилтнууд оролцсон байна.

Хорт хавдрын оношийг 13 жилийн өмнө анх сонсжээ

Агентлагийн мэдээлснээр Yuri Nakamura 13 жилийн өмнө анх хорт хавдартай гэж оношлогдсон байна.

Тухайн үед эмчилгээ хийлгэж, бие нь сайжирсны дараа уран бүтээлийн ажлаа үргэлжлүүлж чаджээ.

Гэвч 2025 оны нэгдүгээр сард өвчин дахин сэдэрч, тэрээр мэс засалд орсон байна. Дараагийн шинжилгээгээр хорт хавдар биеийн бусад хэсэгт тархсан нь тогтоогджээ.

Yuri Nakamura эмчилгээ, нөхөн сэргээх хугацаандаа уран бүтээлдээ эргэн орохоор бэлтгэж байсан ч өнгөрсөн сард гэдэсний түгжрэл дахин үүссэн байна.

Үүний дараа эмч нар түүнд үлдсэн хугацаа хязгаарлагдмал байгааг мэдэгдсэн бөгөөд төд удалгүй таалал төгсжээ.

Osaka хотод төрж, 16 настайдаа урлагийн гараагаа эхэлсэн

Yuri Nakamura 1982 онд Osaka хотод төрсөн.

Түүний аав Японд гурав дахь үеэрээ амьдарч байсан солонгос гаралтай хүн байсан бол ээж нь Seoul хотоос гаралтай солонгос хүн байжээ.

Тэрээр 16 настайдаа дуучнаар дебют хийж, дараа нь жүжигчний карьераа сонгосон байна.

2007 онд Японд амьдардаг солонгосчуудын амьдралыг харуулсан “Soar Into the Sky!” киноны гол дүрд тоглосноороо олны танил болсон юм.

Korea-тай холбоотой бүтээлүүдэд тогтмол оролцож байв

Yuri Nakamura карьерынхаа турш Korea-тай ойр холбоотой ажиллаж иржээ.

2014 онд Kim Sung Soo-гийн найруулсан Korea, Japan-ы хамтарсан “Genome Hazard” кинонд оролцсон байна.

Харин сүүлийн жилүүдэд Netflix-ийн “Romantic Anonymous” цувралд Han Hyo Joo-тай хамт тоглосон нь түүний олон улсын үзэгчдэд хүрсэн хамгийн сүүлийн томоохон бүтээлүүдийн нэг болжээ.

Тус цуврал өнгөрсөн онд цацагдсан бөгөөд Yuri Nakamura-ийн тоглосон дүр үзэгчдийн анхаарлыг татсан байна.

Уран бүтээлдээ эргэн орохоор бэлтгэж байжээ

Өвчин дахин сэдэрсэн ч Yuri Nakamura жүжигчний ажлаа бүрэн орхилгүй, бие нь сайжирсны дараа уран бүтээлдээ эргэн орохоор бэлтгэж байсан гэж агентлаг нь мэдээлжээ.

Гэвч биеийн байдал гэнэт муудаж, гэдэсний түгжрэл дахин үүссэн нь нөхцөл байдлыг хүндрүүлсэн байна.

Ийнхүү дуучнаас карьераа эхлүүлж, кино, телевизийн олон бүтээлээр үзэгчдийн сэтгэлд үлдсэн Yuri Nakamura 44 насандаа хорвоог орхилоо.