Girls’ Generation сүүлчийн comeback-аасаа таван жилийн дараа бүрэн бүрэлдэхүүнээрээ шинэ төсөл хэрэгжүүлэхээ зарлалаа. 10-р сарын 9-нд тус хамтлагийн албан ёсны X хаягт “Twenty in Frost” гэсэн тайлбартай зураг нийтлэгджээ.
Анхааралтай ажигласан шүтэн бишрэгчид зурагт Girls’ Generation-ийн одоогийн найман гишүүн бүгд багтсаныг олж хараад ихээхэн догдолсон байна.
Зургийн доор “2027 Girls’ Generation Season’s Greetings” гэсэн бичиг байсан нь хамтлаг хэдэн жилийн дараа анх удаа бүрэн бүрэлдэхүүнээрээ албан ёсны үйл ажиллагаа хийх гэж буйг баталжээ. Мөн энэ нь 2017 оноос хойших анхны “OT8” Season’s Greetings бүтээгдэхүүн болох юм.
Тус хамтлагийн Season’s Greetings бүтээгдэхүүнийг удахгүй урьдчилсан захиалгаар худалдаалж эхлэх бөгөөд 2026 оны сүүлээр хүргэлтэд гаргах төлөвтэй байна.
Гэхдээ уг нийтлэлд comeback эсвэл хамтлагийн бусад төлөвлөгөөний талаар дурдаагүй. Гэсэн ч Girls’ Generation ирэх 8-р сард 20 жилийн ойгоо тэмдэглэх гэж байгаа тул олон шүтэн бишрэгч Season’s Greetings нь цаашдын томоохон үйл ажиллагааны эхлэл байж магадгүй гэж үзэж байна.
Хамтлаг өмнө нь 2022 оны 8-р сард 15 жилийн ойгоо Forever 1 цомгоор тэмдэглэж байжээ.
Өнгөрсөн сард Tiffany болон Yuri нар Girls’ Generation 2027 онд дэлхийн аялан тоглолт хийх боломжтойг мөн цухуйлгасан байна.
