Подкаст дээрх гэнэтийн илчлэлт
Холливудын хамгийн нууцлаг хосуудын нэг гэгддэг Райан Гослинг, Ева Мендес нарын хувийн амьдрал олны анхаарлыг татлаа. Жүжигчин Райан Гослинг “New Heights” подкастад оролцох үеэрээ хувийн сэдэвт асуултад хошигнон хариулсан байна.
Түүнээс хамтран тоглогч Харрисон Фордын өмнө нь хэлсэн үгтэй холбоотой асуулт тавигдсан бөгөөд Гослинг үүнд “Үгүй. Энэ бол маш тодорхой ‘үгүй’” хэмээн шууд хариулжээ. Тэрбээр мөн “Үнэхээр маш амархан хариулт” гэж нэмж хэлж, өөрийн оролцсон киноны дуу эсвэл хоолой хувийн мөчид нь эгшиглэх нөхцөл үүсгэхийг хүсдэггүй гэдгээ илэрхийлсэн байна.
Гэр бүл ба хувийн амьдрал
45 настай Гослинг, 52 настай Мендес нар 2011 оноос хойш хамт амьдарч байгаа бөгөөд 2022 онд нууцаар гэрлэсэн гэх мэдээлэл байдаг ч албан ёсоор батлагдаагүй хэвээр байна. Тэд хоёр охиноо асрагчгүйгээр өөрсдөө өсгөдгөөрөө онцлог.
Гослинг шинэ “Project Hail Mary” кинонд тоглох болсон шалтгаанаа гэр бүлтэйгээ холбон тайлбарлаж, “Хоёр бага насны хүүхэд өсгөж буй аавын хувьд айдас биш, харин хүн төрөлхтөн юу шийдэж чаддагийг харуулах түүхийг хүүхдүүддээ хүргэхийг хүссэн” гэж хэлжээ.
Ева Мендес нөхрийнхөө уран бүтээлийг дэмжиж, шинэ киноны постертэй зураг нийтэлж, “Райаны бүтээсэн дүрд би дурласан” хэмээн бичсэн байна. Тэрбээр сүүлийн жилүүдэд жүжигчний карьераа түр завсарлаж, бизнес эрхэлж байгаа юм.
