Женнифер Лоуренс Кардашьян гэр бүлийг шүүмжлэх нь өөрөө бараг эрсдэлтэй зугаа болчихсоныг түр мартсан бололтой. Жүжигчин Кортни Кардашьяныг “залхаадаг” гэж хэлсний дараа Кортни тун шулуухан, цензургүй хариу барьжээ.
Page Six-ийн мэдээлснээр, The Kardashians реалити шоуны наймдугаар улирлын нээлтийн үеэр Кортни өнгөрсөн жил Женнифер Лоуренс Vanity Fair-ийн худал хэлэгч илрүүлэгчтэй ярилцлагын үеэр хэлсэн үгийг эргэн дурссан байна. Тухайн үед The Hunger Games киноны од Кортни өөрийг нь “урьд өмнөхөөс ч илүү залхааж байна” гэж хэлжээ. Кортнид энэ үг огт таалагдаагүй аж. Тэр найз Саймон Хактайгаа ярилцахдаа ээж Крис Женнерт шууд:
“Тэр Женнифер Лоуренс ч зайлаг” гэж хэлснээ ярьжээ.
Дараа нь бүр түүнд “алгадчихад бэлэн байна” хэмээн хошигносон байна.
Гэвч дуулиан удалгүй бараг л өхөөрдөм түүх болон хувирчээ
Лоуренс Кортниг гомдоосноо мэдээд Ким Кардашьянаас түүний цахим шуудангийн хаягийг авч, уучлал хүссэн байна. Захидалдаа тэр өөрийгөө “танай эгч дүүсийн нэг юм шиг санагддаг” хэмээн бичжээ.
Ингээд маргаан хурдан намжсан байна. Кортни дараа нь тухайн бичлэгийг дахин үзээд Женниферийн хэлсэн үг “үнэндээ тийм ч айхтар байгаагүй” гэж хүлээн зөвшөөрчээ.
Түүний хэлснээр, тэр үе өөрийнх нь хувьд маш эмзэг үе байсан бөгөөд эргэн тойрны бүх хүн өөр рүү нь дайрч байгаа мэт санагддаг байжээ.
Эцэст нь Кортни гэр бүлийнхнийхээ хэв маягаар хошигнон хариулахаар шийдсэн байна. Тэр Лоуренстэй уулзвал “Кортни, Ким хоёрын аргаар асуудлаа шийдье” гэж санал болгоно хэмээн хэлжээ. Энэ нь шоуны өмнөх улирлуудад Кортни, Ким хоёрын хооронд гарсан алдартай зодооныг ёжлон дурдсан хэрэг байв.
