Монголын баг дэлхийн том тайзанд дахин гарна
Counter-Strike 2 төрлийн “Esports World Cup 2026” тэмцээн наймдугаар сарын 12-ноос 23-ны хооронд Францын нийслэл Парис хотод зохион байгуулагдана. “Цахим спортын олимп” хэмээн нэрлэгддэг энэ томоохон тэмцээнд дэлхийн шилдэг 32 баг оролцож, нийт хоёр сая ам.долларын шагналын сангийн төлөө өрсөлдөх юм.
Монголын esports-ийн нүүр царай болсон “The MongolZ” баг энэ удаа дэлхийн чансааны оноогоор шууд уригдан оролцоно. Тэд одоогоор дэлхийн чансааны 15 дугаар байрт бичигдэж байгаа бөгөөд Парист болох тэмцээн нь багийн хувьд нэр хүнд, чансаа, ирэх саруудын урилгын төлөөх маш чухал сорилт болж байна.
The MongolZ-ийн хувьд энэ бол жирийн тэмцээн биш
Өнгөрсөн жилийн аваргын цомыг өргөсөн “The MongolZ” энэ удаа дэлхийн шилдэг багуудын эсрэг дахин өөрийгөө батлах шаардлагатай. Аваргын статустай багийн хувьд тэднээс зөвхөн сайн тоглолт бус, тогтвортой үр дүн, хүчтэй өрсөлдөөн хүлээгдэж байна.
Энэ тэмцээнд үзүүлэх амжилт нь “The MongolZ”-ийн дараагийн саруудад оролцох олон улсын тэмцээнүүдийн урилга, байр суурь, чансааны оноонд шууд нөлөөлөх боломжтой. Тиймээс Парис дахь тоглолтууд Монголын Counter-Strike-ийн ирээдүйн замналыг тодорхойлох чухал мөчүүдийн нэг болж мэднэ.
1xBet The MongolZ-ийн ивээн тэтгэгчээр ажиллаж байна
“The MongolZ” багийн ивээн тэтгэгчээр 1xBet ажиллаж байгаа. Дэлхийн хэмжээний тэмцээнүүдэд тогтмол өрсөлдөж буй Монголын багт ивээн тэтгэгчийн дэмжлэг нь бэлтгэл, олон улсын оролцоо, багийн брэндийг бэхжүүлэхэд чухал ач холбогдолтой.
Ийм дэмжлэгтэйгээр “The MongolZ” Парист зөвхөн Монголын нэрийг гаргах бус, өмнөх амжилтаа бататгаж, дэлхийн CS2-ийн тэргүүлэх багуудын дунд байр сууриа хамгаалах зорилготой байна.
BC Game Esports үндсэн шатны эрхийн төлөө өрсөлдөнө
Нөгөө талаас Senzu буюу М.Азбаяр, mzinho буюу Б.Аюуш нарын тоглож буй “BC Game Esports” баг “Esports World Cup 2026”-ийн үндсэн шатанд нэвтрэх боломжийг нээлттэй сонгон шалгаруулалтаар хайж байна.
Тэмцээний үндсэн шатанд оролцох 32 багийн дөрвийг нь open qualifier-аас тодруулах бөгөөд энэ шатанд нийт 64 баг бүртгүүлжээ. Багууд 16 хэсэгт хуваагдан тоглож, хэсэг бүрийн эхний хоёр баг шөвгийн 32-т шалгарна. Үүний дараа нугалааны журмаар өрсөлдөж, шилдэг дөрөвт үлдсэн багууд Парисын үндсэн шатны эрх авах юм.
BC Game Esports-ийн эхний өрсөлдөгч BASEMENT BOYS
“BC Game Esports” зургаадугаар хэсэгт багтсан бөгөөд энэ баасан гарагийн 17:00 цагаас Украины “BASEMENT BOYS” багтай BO3 журмаар тоглохоор хуваарь гарчээ.
Хэрэв тус тоглолтод ялалт байгуулбал тухайн өдрийн 20:00 цагаас ОХУ-ын “1win” болон Францын “Citron” багуудын хожсонтой шөвгийн 32-т шалгарахын төлөө тоглоно.
Шөвгийн 32 багийн тоглолтууд энэ долоо хоногийн ням гарагийн 17:00 цагаас эхлэхээр төлөвлөгдсөн байна. Нээлттэй сонгон шалгаруулалт 100 мянган ам.долларын шагналын сантай зохион байгуулагдаж байгаа нь багуудын өрсөлдөөнийг улам ширүүн болгох нь тодорхой.
Elisa BreakOut Series-ийн түрүү итгэл нэмэв
“BC Game Esports” өнгөрсөн долоо хоногийн бямба гарагт хоёрдугаар зэрэглэлийн “Elisa BreakOut Series” тэмцээнд түрүүлж, дэлхийн чансаанд нэлээд урагшилсан. Энэ амжилт нь багийн хувьд open qualifier-ийн өмнөх чухал урам, эрч хүч болж байна.
Хэрэв тэд “Esports World Cup 2026”-ийн үндсэн шатанд шалгарч, хүчтэй тоглолт үзүүлж чадвал ирээдүйн томоохон тэмцээнүүдэд сонгон шалгаруулалтаар бус шууд уригдах боломжоо нэмэгдүүлэх юм.
Монголын CS2 фэнүүдийн гол найдвар The MongolZ дээр байна
Хэдийгээр “BC Game Esports” үндсэн шатанд орох боломжийн төлөө тэмцэж байгаа ч Монголын фэнүүдийн хамгийн том хүлээлт “The MongolZ”-ийн тоглолт дээр төвлөрч байна.
Парисын тайз тэдний хувьд аваргын цолоо хамгаалах, дэлхийн чансааны шилдэг багуудтай дахин тэнцүү өрсөлдөх, Монголын CS2-ийн нэр хүндийг улам өндөрт гаргах боломж юм.
Наймдугаар сарын 12-нд эхлэх “Esports World Cup 2026” Монголын esports сонирхогчдын хувьд заавал үзэх тэмцээн болох нь гарцаагүй. “The MongolZ” аваргын нэрээ батлахын төлөө, харин “BC Game Esports” Парисын үндсэн шатанд хүрэхийн төлөө тулаанд орно.
