Дуучин Жастин Бибер эхнэр Хэйли Бибертэйгээ өнгөрсөн баасан гарагт Холливудад алдартай сүшиний газарт оройн хоол идсэн байна. Ресторанаас гарч ирэх үед тэднийг хүлээж байсан папарациуд зураг авч эхэлсэн нь Жастины дургүйцлийг төрүүлж, тэрээр бухимдлаа илэрхийлэн гартаа барьж явсан усны саваагаа тэдний зүг шиджээ.
Жастин Биберийн хувьд папарациудад уур бухимдлаа гаргасан тохиолдол өмнө нь ч гарч байсан. Тэрээр өнгөрсөн зургаадугаар сард Калифорни мужийн Малибу хотын Soho House-оос гарч явахдаа гэрэл зурагчидтай маргалдан, өөрийг нь тайван байлгахыг шаардсан гэж мэдээлэгддэг.
Мөн албан бус хүрээнд Хэйли Бибер папарациудад мөнгө төлж, өөрсдийн байгаа газрыг мэдээлдэг гэх цуурхал үе үе гардаг. Гэвч энэ мэдээлэл баталгаажаагүй бөгөөд хосууд папарациуд үргэлж эргэн тойронд нь байх нь хувийн орон зайд нь хэт халдаж байна гэж мэдэрдэг тухай өмнө нь ярьж байсан гэж дурджээ.
Одоогоор Жастин Бибер болон Хэйли Бибер нар энэ явдлын талаар албан тайлбар хийгээгүй байна.
