BTS-ийн Jungkook-ийн арьсыг барзгар, нүхжилт ихтэй мэт харагдуулсан ойрын зургууд цахим орчинд тарж, фэнүүдийн дунд маргаан үүсгэжээ. Зарим хэрэглэгч эдгээр зургийг “засваргүй бодит зураг” хэмээн нийтэлсэн ч фэнүүд дүрслэлийг зориудаар өөрчилсөн байж болзошгүй гэж үзэж байна.
Сүүлийн өдрүүдэд хэд хэдэн онлайн форумд “Jungkook-ийн засваргүй зураг” гэсэн гарчигтай нийтлэлүүд хурдан тархжээ. Зургуудад түүний нүүрийг маш ойроос харуулж, арьсны нүхжилт томорсон, гадаргуу нь жигд бус, зарим хэсэгт батга мэт толбо харагдаж байсан байна. Мөн арьс нь хэвийн үеэсээ илүү тослог мэт харагдсан нь хүмүүсийн анхаарлыг татжээ.
Гэвч удалгүй фэнүүд эдгээр зургуудыг Jungkook-ийг муухай харагдуулах зорилгоор зориудаар засварласан байж магадгүй хэмээн маргаж эхэлсэн байна.
Ижил өдөр авсан бичлэгүүд өөр дүр зураг харуулжээ
Фэнүүдийн анхааруулснаар тухайн өдөр авсан өөр видео бичлэгүүд дээр Jungkook-ийн арьс илүү жигд, цэвэрхэн харагдаж байжээ. Үүнээс үүдэн зарим хэрэглэгч зургийн sharpness, contrast болон texture зэрэг параметрийг зориудаар хэт нэмэгдүүлсэн байж магадгүй гэж сэжиглэсэн байна.
Гэхдээ нийтэд тарсан зургуудыг яг хэн, ямар хэмжээнд өөрчилсөн нь бие даан батлагдаагүй хэвээр байна.
Фэнүүд цахим орчинд:
“Би үүнийг хараад инээхээс өөр зүйл хийж чадсангүй”
“Ийм зураг хийхийн тулд үзэн ядагчид хүртэл их ажиллах хэрэгтэй юм байна”
“Эдгээр зургуудыг янзлахад хэдий хэр хугацаа зарцуулсныг төсөөл дөө” гэх зэргээр хариу үйлдэл үзүүлжээ.
Зарим нь бүр ёжлон:
“Арьс нь үнэхээр жүржийн хальс шиг байсан ч би нэг өдөр ч гэсэн түүн шиг харагдахыг хүснэ”
“Хүн болгонд нүхжилт байдаг”
“Арьс нь ямар байхаас үл хамааран тэр царайлаг хэвээрээ” гэж бичсэн байна.
Мөн зарим фэн:
“Тэд үнэхээр ийм их атаархдаг юм уу?”
“Энэ зургууд дээр маш их хөдөлмөрлөсөн бололтой. Баяр хүргэе” хэмээн ёжилжээ.
Ийнхүү Jungkook-ийн гадаад төрхийг зориудаар доромжлохын тулд цаг зарцуулж байгаа мэт харагдаж буй үйлдлийг олон фэн хэт туйлширсан хандлага гэж шүүмжилсэн байна.
RM зочид буудлын гадна бөөгнөрөхөө болихыг фэнүүдээс хүсэв
Үүнтэй зэрэгцэн дэлхийн аялан тоглолтоо үргэлжлүүлж буй BTS Өмнөд Америк дахь тоглолтуудынхаа үеэр хэт хувийн орон зайд халдсан фэнүүдтэй холбоотой асуудалтай тулгарчээ.
Аравдугаар сарын 8-нд RM хамтлагийн албан ёсны фэн платформоор дамжуулан Перуд байрлаж байсан зочид буудлын гадна хүмүүс өдөржин цугларсан талаар ярьсан байна.
Тэрээр:
“Бид одоо Перуд байна. Манай зочид буудлын гадна өдөржин хүлээж байгаа хүмүүсээс болж гишүүд болон ажилтнууд үнэхээр хэцүү байдалд байна. Маш их чимээтэй болохоор өрөөн дотроос хүртэл сонсогдож, бүгд хангалттай унтаж амарч чадахгүй байна” гэжээ.
RM мөн энэ байдал зөвхөн BTS-ийн гишүүдэд бус, тухайн зочид буудлын бусад зочдод ч төвөг учруулж байгааг онцолсон байна.
“Энэ нь зочид буудалд байрлаж байгаа бусад хүмүүст маш их төвөг болж байна. Хэрэв бид хангалттай унтаж чадахгүй бол тоглолтод ч нөлөөлнө” гэж тэр хэлжээ.
Улмаар дараагийн аялан тоглолтын хотуудад ийм үйлдэл давтагдахгүй байхыг хүссэн байна.
RM:
“Чили, Бразил, Аргентин болон дараа нь очих Азийн орнуудад манай зочид буудлын гадна ингэж хүлээхгүй байгаарай. Би чин сэтгэлээсээ хүсэж байна” гэж фэнүүддээ ханджээ.
Ийнхүү Jungkook-ийн гадаад төрхтэй холбоотой засварласан байж болзошгүй зургуудын маргаан болон BTS-ийн хувийн орон зайд халдсан фэнүүдийн асуудал зэрэгцэн олны анхаарлыг татаж байна.
