Холимог тулааны тамирчин, телевизийн од Choo Sung Hoon ойр дотнын хүн нь нас барсны дараа олон нийтийн сүлжээн дэх бүх үйл ажиллагаагаа тодорхой хугацаагаар зогсоохоор болсноо мэдэгджээ.
Аравдугаар сарын 11-нд тэрээр сошиал хуудсаараа дамжуулан өөрийн хайрлаж, хүндэлдэг байсан 40 гаруй насны дотнын хүнээ амиа хорлосны улмаас алдсан тухайгаа хуваалцсан байна.
Тэрээр:
“Миний маш их хайрлаж, хүндэлдэг хүн өөрийн амийг егүүтгэлээ. Тэр дөнгөж 40 гаруй настай, энэ хорвоог орхиход дэндүү залуу байсан” гэж бичжээ.
“Зүрх минь бүрэн шархалсан”
Choo Sung Hoon энэхүү гэнэтийн хагацлыг хүлээн зөвшөөрөхөд маш хэцүү байгаагаа илэрхийлсэн байна.
Тэрээр:
“Зүрх минь бүрэн шархалж, юу хэлэхээ ч мэдэхгүй хэмжээнд цочирдлоо. Тэр хүн ямар зовлон туулж, амьдралд нь юу тохиолдсоныг зөвхөн өөрөө л бүрэн ойлгож байсан байх. Гэсэн ч арай жаахан тэсэх хүч олдоосой гэж хүсэж байна” гэжээ.
Мөн:
“Одоо ч итгэж чадахгүй байна. Зүрх маш их өвдөж байна. Дахиад ганцхан удаа ч болов уулзах юмсан гэж хүсэж байна. Юуны өмнө чин сэтгэлийн гүн эмгэнэл илэрхийлье. Амгалан нойрсог” хэмээн бичсэн байна.
Үүний дараа Choo Sung Hoon:
“Ойрын хугацаанд бүх сошиал үйл ажиллагаанаасаа завсарлага авна” гэж мэдэгджээ.
Нэг сарын өмнө авга ахаа мөн алдсан
Энэ мэдээ нь Choo Sung Hoon өөрийг нь үргэлж халамжилж, сэтгэл санаа болон санхүүгийн хувьд дэмждэг байсан авга ахаа нас барсныг мэдээлснээс ердөө нэг сарын дараа гарч байна.
Ийнхүү богино хугацаанд өөрт нь чухал хоёр хүнээ алдсан тэрээр дахин нэг хүнд хагацалтай нүүр тулжээ.
Choo Sung Hoon сүүлийн үед YouTube суваг болон төрөл бүрийн энтертайнмент нэвтрүүлгээр дамжуулан үзэгчидтэйгээ идэвхтэй харилцаж байсан. Тэрээр мөн Тайваньд зураг авсан Real Man’s Travel Guide аяллын нэвтрүүлэгт оролцжээ.
Үүнээс гадна Choo Sung Hoon арваннэгдүгээр сарын 21-нд Сөүл хотын Gocheok Sky Dome-д болох BLACK COMBAT 17 тэмцээнд холимог тулааны зодог тайлах тулаанаа хийхээр төлөвлөсөн байна.
