Бямба, 11 сар 21, 2026
Нүүр хуудас Уран сайханJennie-гийн шинэ дуу “GTA 6”-д багтах уу? Задарсан жагсаалтад “Power Trip” нэрлэгджээ

Jennie-гийн шинэ дуу “GTA 6”-д багтах уу? Задарсан жагсаалтад “Power Trip” нэрлэгджээ

0 сэтгэгдэлүүд 11 views

BLACKPINK-ийн Jennie хараахан цацаагүй “Power Trip” дуугаараа “Grand Theft Auto VI”-ийн албан ёсны цомогт оролцсон гэх мэдээлэл гарлаа. Цахим орчинд тархсан 34 дууны жагсаалтад тэрээр Өмнөд Солонгосын цорын ганц уран бүтээлчээр багтсан байна.

“Power Trip” цомгийн 21 дэх дуугаар бичигджээ

“Grand Theft Auto VI: The Album” пянзны арын хавтасны зураг, бичлэг олон нийтийн сүлжээнд түгснээр дууны бүрэн жагсаалт ил болсон гэж мэдээлжээ. Уг жагсаалтын 21 дүгээрт Jennie-гийн “Power Trip” нэртэй бүтээл бичигдсэн байна.

Цомогт мөн Dua Lipa, Lana Del Rey, Travis Scott, Cardi B, Playboi Carti, SZA, Tame Impala, Zara Larsson, Camila Cabello зэрэг уран бүтээлчийн дуу багтжээ.

Billboard болон Rolling Stone төслийн ойрын эх сурвалжуудаар жагсаалтыг нягталж, жинхэнэ болохыг баталгаажуулсан гэх мэдээлэл байгаа ч Rockstar Games бүх оролцогчийг албан ёсоор зарлаагүй байна.

Цомог тоглоомтой нэг өдөр гарахаар төлөвлөгджээ

Atlantic Records-той хамтран бүтээсэн дууны цомгийг арваннэгдүгээр сарын 19-нд гаргахаар товлосон аж. Энэ өдөр “GTA 6” PlayStation 5 болон Xbox Series X|S дээр худалдаанд гарах хуваарьтай байна.

Уг тоглоом нь 2013 оны “Grand Theft Auto V”-аас хойших цувралын үндсэн шинэ анги болох юм.

Jennie хоёр Grammy номинацийн дараа дахин анхаарал татав

Энэхүү мэдээлэл Jennie анхны хоёр Grammy номинациа авсны дараахан гарчээ. Түүний Австралийн Tame Impala хамтлагтай хамтарсан “Dracula” дуу 69 дэх удаагийн Grammy Awards-ын “Оны шилдэг бичлэг”, “Шилдэг поп хослол, хамтлагийн үзүүлбэр” төрөлд нэр дэвшсэн байна.

Мөн “Dracula” арваннэгдүгээр сарын 21-ний Billboard Hot 100 жагсаалтад гуравдугаар байраа хадгалжээ. Ингэснээр эмэгтэй K-pop соло уран бүтээлчийн тус жагсаалтад хүрсэн хамгийн өндөр амжилттай тэнцсэн байна.

Танд ч бас таалагдаж магадгүй

Сэтгэгдэл үлдээх