Инээдмийн жүжигчин Kim Young-hee эрүүл мэндийн асуудлын улмаас эмнэлэгт хэвтсэнээ олон нийтэд мэдэгджээ.
Тэрээр аравдугаар сарын 13-нд Instagram Story-дээ эмнэлгийн өрөөний тааз болон олон ууттай дуслын систем харагдах зураг нийтлээд:
“Эцэст нь эмнэлэгт хэвтлээ” гэж бичсэн байна.
Зурагт хэд хэдэн дуслын уут дараалан өлгөөтэй байсан нь түүний биеийн байдалд юу тохиолдсон бол гэсэн болгоомжлолыг фэнүүдийн дунд нэмэгдүүлжээ.
Фэнүүд хурдан эдгэрэхийг хүсэв
Сүүлийн үед завгүй хуваарьтай ажиллаж байсан Kim Young-hee ийнхүү гэнэт эмнэлэгт хэвтсэн мэдээг сонссон фэнүүд олон нийтийн сүлжээгээр санаа зовж байгаагаа илэрхийлсэн байна.
Тэд:
“Эрүүл мэнд хамгийн чухал”
“Сайн амарч, хурдан эдгээрэй”
“Юу болсон бол гэж санаа зовж байна” гэх зэргээр сэтгэгдлээ үлдээжээ.
Kim Young-hee өмнө нь ч эрүүл мэндийн асуудлын талаар олон нийтэд ярьж байсан юм.
2023 онд тэр Instagram Story-дээ физик эмчилгээний өрөөний өмнө хүлээж буй зургаа нийтлээд:
“Эцэст нь асар их стресс миний биеийг сүйтгэлээ” гэж бичиж байжээ.
10 насаар дүү бейсболчинтой гэрлэсэн
Kim Young-hee 2021 онд өөрөөс нь 10 насаар дүү бейсболын тамирчин Yoon Seung-yeol-той гэрлэсэн байна.
Хос нэг охинтой бөгөөд Kim Young-hee гэр бүл, ажил амьдралынхаа тухай сошиал хуудсаараа тогтмол хуваалцдаг.
Одоогоор түүнийг яг ямар шалтгаанаар эмнэлэгт хэвтсэн талаар дэлгэрэнгүй мэдээлэл гараагүй байна.
